سنووری باکووری هەرێمی کوردستان کوێ دەگرێتەوە:
لە باکوورەوە سنووری هەرێمی باشووری کوردستان لەگەڵ تورکیادا هاوبەشە کە درێژیەکەی (377) کم، ئەم سنوورە بەهێڵی پێچاوپێچ بە ناوچە شاخاویە سەختەکاندا لە ڕۆژهەڵاتەوە لەخاڵی سێگۆشەی سنووری نێوان ئێراق و ئێران و تورکیا لەدۆڵی حاجی بەگ (دەربەندی کادر) کە بەرزیەکەی دەگاتە (3000) م دەستپێدەکات بەرەو ڕۆژاوا تا سەرەتای دۆڵی ڕووچک کە لقێکە لە لقەکانی دۆڵی حاجی بەگ لەوێوە دەگاتە دۆڵی زێی گەورە پاشان بەرەو سنووری شارەدێی بلە دەڕوات ودواتر ڕووباری شەمدینان دەبڕێت و بەرەو زنجیرە چیای ژیر دەڕوات و دواتر ڕووباری خاپور دەبڕێت و پاشان بەلووتکەی چیای مهرنارداغدا تێدەپەڕێت و تادەگاتە سنووری ڕووباری هبزل پاشان دەڕوات لەگەڵ ڕووباری خاپور دا دەڕژێتە ڕووباری دیجلە لەنزیک گوندی فیشخاپوور.
دیاریکردنی ئەم سنوورە دوای ئەوەی کەکێشەیەکی درووستکرد لەنێوان بەریتانیا و تورکیادا لە تشرینی یەکەمی ساڵی 1924 ئەم کێشەیە خرایە بەردەمی کۆمەڵەی گەلان و لیژنەیەکی بۆ درووست کراو بۆ ماوەی سێ مانگ لە موسڵ و ئێراق مانەوە ودواتر بەپێی بڕیارێک لە 16کانوونی یەکەم 1925 هێڵی بروکسل وەک سنووری سیاسی نێوان ئێراق و تورکیا دانیپێدانراو لە دوای 9ڕۆژ لە 25ی کانوونی یەکەم ویلایەتی موسڵ کە هەرێمی باشووری کوردستانە بەزۆر لکێنرا بە ئێراقەوە.
سەرچاوە:لێکۆڵینەوەیەک لە جوگرافیای هەرێمی کوردستان، نووسەر د. هاوڕێ یاسین.[1]
$نەخشەکەش ڕووبەری هەر چوار پارچەی کوردستانی گەورەیە.$
Este artículo ha sido escrito en (کوردیی ناوەڕاست - Central Kurdish) Lenguaje, haga clic en el icono de
![](https://www.kurdipedia.org/images/flags/ku.png)
para abrir el artículo en el idioma original!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Este artículo ha sido visitado veces 1,778
Escriba su comentario sobre este artículo!