ناو: جەمال
نازناو: جەمال #گەرمیان#ی
ناوی باوک: بەهادین
$ژیاننامه$
شەهیدی فەرماندە شێخ جەمالی گەرمیان
(جەمال بەهادین محێدین) ناسراوە به (شێخ جەمالی گەرمیان) ساڵی (1956)له گوندی داربه ڕووی بناری #سەنگاو# له دایک بوه له سالی (1976) پەیوەندی کردوە به ڕیزەکانی کۆمەڵەی ڕەنجدەرانی کوردستانەوە. ساڵی (1978)بووە به پێشمەرگه له هه ڕێمی (5) ی (#قەرەداغ#) زۆر زوو پلەکانی پێشمەرگایەتی بریووە و بووە به کەسێکی دیارو بەرچاوی جەماوەری کوردستان بەتایبەتی ناوچهی گەرمیان.ساڵی (1981) بووە به فەرماندەی کەرتی (5)ی (داویه). ساڵی (1985) بووە به جێگری فەرماندەی تیپی (51) ی (گەرمیان) به شداری و سەرپەرشتی دەیان نەبەردی هێزی پێشمەرگەی کوردستانی کردووە نموونەیان وەک (داستانه گەورەکەی زینانه، شەڕەکانی سلێمان بەگ و سەرجادەی #کەرکووک# - بەغداد، داستانی توکن عەزیز و قادر تەنکی و ئاوەکەی لای دوز و یەکەم گرتنی شارەدێی سەنگاو و ئاورێژی کچان و شەڕی سەی جەژنی و ژاڵان و خاڵه بەگ و بەردە کەر و تەپه عەرەب و دەیان نەبەردی تر)، ساڵی (1981) به پیلانێکی ئیستخباراتی عێراقی باوکی و مامێکی شەهید کران که دوو کادری یەکێتی نیشتیمانی کوردستان بوون شەهید (شێخ جەمالی گەرمیان) یەکەم فەرماندەی تیپی (59) حەمرین بوو به بریاری بەرێز (مام #جەلال تاڵەبانی#) دانرا، بەڵام پێش دەست بەکاربونی لەو تیپه لەداستانه گەورەکەی (قەیوان ماوەت) له ڕێکەوتی (#06-09-1986#) له شاخی (دۆل بێشک) لەشەڕێکی کەم وێنەدا شەهید بووە.[1]
Este artículo ha sido escrito en (کوردیی ناوەڕاست) Lenguaje, haga clic en el icono de
para abrir el artículo en el idioma original!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Este artículo ha sido visitado veces 1,345