دەقی پەیامەکەی #مەسرور بارزانی#:
زۆر نیگەران و خەمبارم بە ڕووداوەکانی ئەم دواییەی توندوتیژی دژ بە ژنان و ئافرەتان لە هەرێمی کوردستان. لێرەدا دووبارەی دەکەمەوە کە هیچ شەڕەفێک لە ژن کوشتندا نییە.
لەگەڵ وەزیری ناوخۆ لەسەر ڕووداوی دڵتەزێنی شنیار خان گفتوگۆمان کرد و ستایشی کارمەندانی پۆلیسم کرد بۆ دەستگیرکردنی تاوانبارەکە و پشتگیری خۆمم بۆ سزادانی تاوانباران دووپات کردەوە.
تەنیا لەم ساڵەدا، 9 ئافرەتی بێتاوان لە ئەنجامی توندوتیژی خێزانییەوە کوژراون، ئەم تاوانانە دەبێت بوەستن و وەک خەڵکی کوردستان، نابێت قبوڵی بکەین، وەک حکومەتیش ئێمە هاوکار و پاڵپشتی دادگا دەبین لەسەپاندنی توندترین سزا بۆ ئەم تاوانانە.
من سوورم لە سەر پاراستنی هەموو ژن و کچ و منداڵێک کە لە مەترسیدان. دەزانم کە پێویستی بە کات و پابەندبوونێکی جدی هەیە، هەربۆیە بنبڕکردنی ئەم دیاردە نامرۆڤانەیە، پێویستی بە بەشداریی هەموومان هەیە وەک چالاکانی کۆمەڵگەی مەدەنیی و بەرپرسان و کەسایەتییە ئاینیی و کۆمەڵایەتییەکان، هەروەها پێویستمان بە ئەنجامدانی چاکسازیی لە سیستەمی دادوەریدا هەیە.
ئێمە هەموو هەوڵی خۆمان دەخەینەگەڕ بۆ کۆتاییهێنان بەم تاوانانە.
مەسرور بارزانی
سەرۆکی حکومەتی هەرێمی کوردستان[1]
Este artículo ha sido escrito en (کوردیی ناوەڕاست - Central Kurdish) Lenguaje, haga clic en el icono de
![](https://www.kurdipedia.org/images/flags/ku.png)
para abrir el artículo en el idioma original!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Este artículo ha sido visitado veces 1,376
Escriba su comentario sobre este artículo!