بابەت: هۆنراوە
ناوی هۆنەر: #سەیدی هۆرامی#
ئەم هۆنراوەیە، دەکەوېتە خانەی ڕېبازی ئەدەبی کلاسیکی کوردییەوە، بە شێوەزاری کرمانجی گۊرانی- هۆرامی نووسراوە. کېشی هۆنراوەکە کېشی بڕگەییە، یەک لە تایبەتمەندییەکانی هۆنراوەی کلاسیکی کوردی بەشێوەزاری کرمانجی گۊرانی-هۆرامی بە کېشی بڕگەیی-پەنجەیی نووسراون.
$ئەز ئاشک بێنێ$
ئەز ئاشک بێنێ، گېرێم یاو ئەشکێ
گرینێو سۆچنێم من «یاو» و ئەشکێ
نەبۍ حاڵم وەرۆ ئەشکێ عەزیمێ
ڕوێو کۆمم کیاستم پەی حەکیمێ
دیۆم چېش یارم ئۆما وەختێ شۆمە
ئەرەجیێ «مۆنگە»نە، مۆنگێ تەمۆمە
من ئێشە و هۆمدەمیم سا سێ نەبۊ کەس
شەریک و هۆمدەمیم یارم وەسۆ وەس
مەمەڵجێش «نار»ە، کوڵمێش سوورە «ساو»ە
وېش ئەجیێ «سەڵوینە» مدرێنە پاوە
نەتاوانم وەرو چا ساو نارێ
دەمێو کۆمم چەنیش گیرۆ نەزارێ
دەمێو نیشتە چەنیم، دەستە زرۆنێ
وەنەش لاڵام، وە «یاسین» و «کرۆن»ێ
دەمێو نەزڵەم بێ ئەز واچۍنێ مێرۆ
شوکر ژیۆوە دۆسەم کارێ گېرۆ
من ئێشە و «مێرە» بێنێ ئادە «ئیسا»
دەواش گېرۆ، بەرۊوە زیندە، ئیسا
دەموو ڕۊی یارەم ئێزاوە و لواوە
حەکیمێ چە و دما نیشتمەرە لاوە
ڕەگش گرت و دەمێو دەستش فشارۆ
سەرەش لکناوە واتش: ئینەنە یارۆ
تەبیب و تۊ چمان دۆستت برێنە
نیۆت هیچ سەیدی تە دەرووت شرێنە
[1]