عەشقی خودا
نەک بۆ ڕۆژێ
بۆ چرکەیەک لێت دانابڕێ
لەشەوی تەنها و سەرمادا
لەگشت کات و شوێن و سات دا
بەرگەی دووری مەعشوق ناگرێ
نە دوور ئەوەستێ لەوەڵام
نە وشەی زەرد و سوور ئەڵێ
نە بەقسە ئەیسەلمێنێ میهرەبانی
تەنها سوجدە بردنێکتە
لێ خۆشبونی هەزاران جار
ئەکات بە جوانترین دیاری
تۆ زەمەنێک لێ ی غافڵ بە
ساڵانێک مەچۆ دیوانی
کە ڕووت کردە قیبلە و هاتی
ڕۆحت پڕە لە ژووانی
نە گوڵی سور ئەهێنێ بۆت
نەڕۆژێک ئەکا بەدیاری
لەشەوی تار تەنهات ناکا
میهری لە (مل) تە بەجوانی
#ئارەزووی عەبدولخالق#[1]
Este artículo ha sido escrito en (کوردیی ناوەڕاست - Central Kurdish) Lenguaje, haga clic en el icono de
![](https://www.kurdipedia.org/images/flags/ku.png)
para abrir el artículo en el idioma original!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Este artículo ha sido visitado veces 339
Escriba su comentario sobre este artículo!