نە بەزەردەخەنە زاڵم باوەڕ بکە، نە بەخۆشی زستان
زاڵم: زۆردارە، ئەو کەسەیە زوڵم لە خەڵکی دەکات و بە گوێرەی ئەو دەسەڵاتەی هەیەتی و مافی کەسانی دەوروبەری پێشیڵ دەکات و حەق و ناحەق تێکەڵ دەکات و جەبەڕووت و زۆردار و چەوسێنەر و خۆسەپێنە و پشت بە هێز و چەک و شیر دەبەستێت و ئاوەز و یاسا و نەریت دەبەزێنێت و بەدەر لە ڕێنمایی و یاسا کارپێکراوەکان کاردەکات، زەردەخەنە: بزە، خەندە، سمێڵەخرتکە، گرژینەوە، بسکە، بزەی سەرلێوە، گوزارشتە لە خۆشی و شادی و دۆستی و کەیف پێ هاتن، خۆشی زستان: واتە کەشوهەوا لەبارە، باران و هەوروهێرە و باوباران و بەفروکڕێوە و تەرزە و تۆفان و زریان لە ئارادا نییه، هەردوو حاڵەتی (زەردەخەنەی زالم) و (کەشوهەوا خۆشی زستان) لەو ئیدیۆمەدا وەکوو دوو شتی وەک یەک خراونەتەڕوو، کە هەردووکیان هەنووکەیی و کاتیین و زوو تەواو دەبن، هەردوو حاڵەت لە کوردەواریدا بوون بە ئیدیۆم و بەکاردەهێنرێت بۆ کارێک کە هەڵخەڵەتاندن و فریوودانی تێدا بێت و جێگەی متمانە نەبن دەوترێت: نە بەزەردەخەنەی زاڵم باوەڕ بکە، نە بەخۆشی زستان.[1]
Este artículo ha sido escrito en (کوردیی ناوەڕاست) Lenguaje, haga clic en el icono de
![](https://www.kurdipedia.org/images/flags/ku.png)
para abrir el artículo en el idioma original!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Este artículo ha sido visitado veces 793