بەجوو سەرت بخوسێنە، بەگاور بیتاشە
جیاوازی ئاینی و ڕک وکینەی ئاینزاکان هاوشێوەی پارت و قەوارە و گروپ و حزبەکان بۆ گرتنەدەستی دەسەڵات و پەیڕه و کردنی بیروبۆچوون و سەپاندنی قەڵەمڕەوی خۆیان لە هەڵپەدان، بۆ ئەمەش شێوازی جیاواز جیاواز بەکاردەهێنن بۆ سووککردن و بێ ڕێزیکردن و ناو و ناتۆرە و ناوزڕاندنی یەکتری بەتایبەت لەلایەن ئاینی باڵادەستەوە، لە کوردەواری کە زۆرینەی خەڵکی لە پەیڕەوانی ئاینی ئیسلامن، ئیدیۆمی له و جۆرەیان زۆر بەکارهێناوە وەکو: دەڵێی جووە، جووی ڕشا، ڕەنگی دیانانی لێ نیشتووە، هاوشێوەی ئه و ئیدیۆمەشمان هەیە وەکو(نان موسایی بخۆ، لەماڵی گاور بخەوە یان لە ماڵی جولەکان نانی بخۆ، لە ماڵی مەسیحی بنوو) له و ئیدیۆمەش دەڵێت: بۆ پاک و خاوێنی و لێزانی لە کارێک بە جوولەکە ئەنجامی بدە، بەڵام ئەوەی مەترسیدار بوو، بۆ سەلامەتی و دڵنیایی و متمانە بە گاور و دیانەکان جێ بەجێی بکه، سەر خوساندن بۆ پاکبوونەوەیە، بەڵام تاشین شتی نووک تیژی تێ دەکەوێت و مەترسیدارە، ئینجا ئەوە لە کوردستان بووە بە ئیدیۆم و وتراوە: بە جوو سەرت بخوسێنە، بە گاور بیتاشە.
[1]
Este artículo ha sido escrito en (کوردیی ناوەڕاست) Lenguaje, haga clic en el icono de
![](https://www.kurdipedia.org/images/flags/ku.png)
para abrir el artículo en el idioma original!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Este artículo ha sido visitado veces 898
Escriba su comentario sobre este artículo!