نەخشی پادشای سیموروم simurrum، (ئیدن-سین) sinniddi. لە ناوچەی بێتواتە لە سنووری ئیدارەی ڕاپەڕین دۆزراوەتەوە و لەسەر پارچەبەردێک نەخشێنراوە.
تابلۆکە وێنەی پادشا (ئیدن سین) نیشان دەدات کە ملی بە دوژمنەکانی کەچ کردووە و چەند دەقێکی نووسینی بزمارییش لە تابلۆکەدا دەردەکەوێت کە باسی سەرکەوتنەکان دەکات و لە کۆتاییشدا نەفرین لەو کەسە دەکات کە زیان بە نەخشەکە دەگەیەنێت.
لە تابلۆکەدا ناوی چەندین خواوەندی ئەو سەردەمە هاتووە: وەک ئانو، ئەنلیل، ئیکنی، ننخواساک، سین. ئێستا ئەم بەردە لە مۆزەخانەی ئۆرشەلیمی ئیسراییلە.
سیمورۆم دەوڵەتەشارێک بووە لە هەزارەی سێیەمی پێش زایین و لە ناوچەکانی سلێمانی و سەرپێڵ زەهاو نەخش و نیگاریان ماوەتەوە. ئەم شانشینە هاوچەرخی بنەماڵەی ئووری دووەم و ئەکەدییەکان بووە و لە زۆر دەقی پاشایانی بەناوبانگی ئەو سەردەمەدا وەکوو نەرامسینی ئەکەدی و سەرجۆنی ئەکەدی و شولگی ناوی هاتووە.
جگە لە نەخشی بێتواتە بەردەنووسێکی تریش سەبارەت بە سیموروم هەیە کە ئێستا لە مۆزەخانەی #سلێمانی#یە.[1]
Este artículo ha sido escrito en (کوردیی ناوەڕاست) Lenguaje, haga clic en el icono de
![](https://www.kurdipedia.org/images/flags/ku.png)
para abrir el artículo en el idioma original!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Este artículo ha sido visitado veces 171
Escriba su comentario sobre este artículo!