ناوی هەندێ گژوگیای کوردەواری
ئەگەر چاوێک بە مێژووی کۆمەڵی کوردەواریدا، بگێڕین، بۆمان دەردەکەوێت، کە مێژووی گەلی کورد، ئەوەندە لەبار نەبووە و لە زۆر بارو دۆخدا، داگیرکەر و دەرەبەگ، مەودای نەداوە، کە مرۆڤی کورد، بە خواستی خۆی بژیت، بۆیە زۆرکات، دوچاری نەهامەتی و قات قڕی و گرانی و هەڵاتن بوونەتەوە و پێڕانەگەیوون، وەک کۆمەڵگا و نەتەوەکانی دیکە بژن، بەڵام لەگەڵ ئەوەشدا، مرۆڤی کورد، دەستەوەستان نەبووە و هەمیشە لە هەوڵ و تێکۆشاندا بووە و ئەندێشەی خۆی پتر لەگەڵ سروشت و دەوروبەریدا، گونجاندووە، لەم ڕووەوە پەنای بردۆتە بەر سروشت و بە سەلیقەی وردی خۆی لە هەر چەشنە گژوگیایەک گۆڕانکاریی بەسەردا هێناوە و بە جۆرێکی تایبەتی و بە چێژێکی نوێوە خواردنی لێ پێکهێناوە، بەڵام لەسەردەمی ئێستادا، کە بارودۆخی ئابوری میللەتی کورد گۆڕانی بەسەر داهاتووە، کەمتر سود لە سروشت و ئەم جۆرە خۆراکانە وەردەگیرێت، پتر پەنا دەبردرێتە بە خۆراکە بیانییەکان، لێرەدا ناوی هەندێک له و گژوگیایانە دەخەینە ڕوو:
هەندێک له و گژوگییانە هەر بەکاڵی خوراون و سودیان لێ وەرگیراوە، وەک:
(خەرتەڵە، چاوبازە(قاڵۆرە)، شەکرۆکە، چەورۆکە، دڕکە شینکە، پیفۆک پیشۆک، هەپۆک، خڕنوک، شەنگ، قڵیانقۆز، ترشۆکە، بەنگۆکە، بەڕەزا، پونگە، قوڕادە قوڕاگە، سیرەکێوی، ...هتد).
هەندێکی دیکەیان، ئه و گژوگیایانەن، کە کەبان، بەکوڵاوی سودی لێوەرگرتوون و وەک ژەمی خواردن بەکارهاتوون، وەک:
تۆڵەکە، کاردوو، کەنگر، گۆرمزە، بووکە سوورە، دەرزیلە، پێ چۆلەکە پێ مریشکە، شیرین شاتەرە، قنجیلە، سڵمکە سرموکە، پۆڵکە، پەڵپێنە بەرپێنە، گێلاخە، کاردوو هاز، گەڵای مێو، جاترە، سڵق، مافورۆکە، ...هتد). [1]
Este artículo ha sido escrito en (کوردیی ناوەڕاست) Lenguaje, haga clic en el icono de
para abrir el artículo en el idioma original!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Este artículo ha sido visitado veces 1,002
Escriba su comentario sobre este artículo!