دۆست ئەگەر بەدڵی خۆت بێ دەڵاڵی ناوێ
لەپشدەرێ ئه و ئیدیۆمە لەنێو خەڵکی بەتەمەن و بەساڵاچوواندا لەسەر زارانە، پێشان و لە کۆندا ئەگەر کیژ و کوڕێک دڵیان بۆ یەکتری بچووبایە، هۆوپێناویش لە کاروبار و ژیانی ڕۆژانەدا وەدەست نەکەوتبووایە، ئەوا ژنێکی بەتەمەن یان کیژۆڵەیەک لەلایەن کوڕەکەوە ڕادەسپێردرا بۆ ئەوەی نیازی دڵی کوڕە بە کچەکە بگەیەنێت به و ژن و کیژۆڵەیەش کە ئه و کارەیان کردووە ووتراوە(پێناو یان دەڵاڵ)، زۆرجارانیش هیچ پێویستی بە دەڵاڵ و پێناو و ڕابەریکردن و چاوساغی نەکردووە، هەردوولا زوو لە ڕاز و نیازی یەکتری گەیشتوون و خۆیان کاروباری پەیوەندیاندیان سازاندووە، ئەوە بووە بە ئیدیۆم و بە ئارەزوو و حەزی دوو کەس و لایەن کە ڕایان لە کارێک بێت ئەوا بەگوفتار شیرینی و توانجەوە وتراوە: دۆست ئەگەر بەدڵی خۆت بێ دەڵاڵی ناوێ. [1]
Este artículo ha sido escrito en (کوردیی ناوەڕاست) Lenguaje, haga clic en el icono de
![](https://www.kurdipedia.org/images/flags/ku.png)
para abrir el artículo en el idioma original!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Este artículo ha sido visitado veces 633