Koordînasyona PAJK’ê bi daxuyaniyeke nivîskî endama Meclisa PAJK’ê şehîd Bêrîvan Zîlan bi bîr anî ku di 17’ê Hezîranê de şehîd bûye. PAJK’ê diyar kir ku şehîd Zîlan 31 salan têkoşîneke mezin daye meşandin û got dê têkoşîna wê bidomînin.
Di daxuyaniya Koordînasyona Partiya Azadiya Jinan a Kurdistanê (PAJK) a li ser mijarê de hate gotin:
“Endama Meclisa PAJK’ê hevrêya me Zîlan ev ala têkoşînê ya birûmet rakiriye, di 17’e Hezîranê de dema li ser erka xwe bû li Herêmên Parastinê yên Medyayê di encamê êrişên hewayî yên dewleta Tirk ya faşîst de şehîd ketiye. Em di şexsê hevrêya xwe Zîlan de û tevahî hevrêyên me yên ku di şerê qirkirinê de binketinên mezin li artêşa Tirk dane û şehîd ketine, bi minet û rêzdarî bi bîr tînin. Em sersaxiyê ji malbata xwe ya hêja Hezer, gelê xwe û tevahî hevrêyên xwe re dixwazin.”
Hate diyarkirin ku dê tola şehîdan were hilanîn û wiha dewam kir: “Jinên ku vê têkoşînê di lûtkeyê de dimeşînin, şoreşgerên birûmet ên mezin ên ku di oxira azadiya gelan de şer dikin, dê her tim bibin îradeya me ya ku rêya jiyana azad ronî dikin, dê berdewama hişê me, hişmendiyê me û wijdanê me bin.
Hevrê Bêrîvan di sala 1976’an de li navçeya bajarê Wanê Erdîşê ji dayik dibe. Di malbateke welatparêz de ku komkujiya Geliyê Zîlanê hatiye serî û ev yek qet ji bîr ne kiriye, rûye dewleta Tirk ya kujer nas kiriye û di hafizeya xwe de bi cih kiriye û wisa mezin bûye. Hevrê Bêrîvan ji zarokatiya xwe de bi çîrokên komkujiya Geliyê Zîlan mezin bûye, wek tevahî zarokên Kurdistanê di temenekê biçûk de êşên ku li tevahî welatê wê cîh bûye nas dike û di temenek biçûk de di bijî.”
Di daxuyaniyê de hate diyarkirin ku şehîd Bêrîvan Zîlan sala 1991’an tev li nava refên têkoşînê bûye û wiha hate gotin: “Di salên xwe yên ku nava şoreşê de derbas kir li hemû qadan şer kir, têkoşîn û pêşengtî kir. Pêvajoyên pêşketina tekoşîna azadiya jin yekser jiyan kir, ruh, hişmendî û keda xwe li vê dîroka agir zêde kir. Ji Serhedê heta Zagrosan, li herçar parçeyên Kurdistanê û li Ermenîstanê ku gelê me yê ku rastî qirkirin û sirgûnê hatiye di gelek qadan de, li ser bingeha xeta Partiyê têkoşîn meşandiye. Weke milîtaneke jin di her qadê ku tê de cîh digirt rola xwe ya pêşengtiyê leystiye. Ji bo pêkanîna xeta PKK’ê û PAJK’ê û ji bo pêkanîna jiyanek bi rûmet û azad her kêliya xwe diyarî têkoşînê kir. Hevrê Bêrîvan Zîlan her tim têkoşereke bi biryar, çalakvan û jineke şoreşger bû ku her tim dizanîbû di refên herî pêş de cih bigire. Hestê berpirsiyartiya wê pir bilind bû, bi tevahî hebûna xwe parastina xeta Apoyî û xwe di serkeftina pêywîrên şoreşgertî de asî kiribû. Di çiyayên azad de bû fermandara jin a bi hêz, di nava gel de bû nûnera bîrdoziya azadiya jinê û pêşenga gelan. Di dilê hevrêyên xwe û yê gel de cihekî xwe yê nayê jibîrkirin girtiye.”
Di berdewamê de hate gotin: “Hevrê Bêrîvan di salên têkoşînê yên demdirêj û dijwar ên 31 salan de her roj bi biryardarî û hêrseke mezintir tê koşiya. Ji bo tola Geliyê Zîlan, Agirî, Dêrsim, Koçgirî, Şengal, Roboskî û Efrînê were hilanîn, li ser xeta Zîlanê gelek şer kir û têkoşîneke mezin da meşandin.
Em hevrê Bêrîvan Zîlan û şehîdên berxwedana xwe ya bêhempa tu carî ji bîr nakin. Ew ê her tim di têkoşîna me de bijîn. Ew nirxên azadiyê ne ku bûne malê dîrok û mirovahiyê. Ew banga serhildana li dijî zilmê, têkbirina xiyanet û şerê qirkirinê ne. Ew sonda me ya azadiyê ya bi rêber Apo re ne. Li ser şopa şehîdên xwe yên mezin em ê bi parastina nirxên afirandî û xeta fedayîtiyê têkoşîna xwe bilind bikin û ji rejîma faşîst a Tirk û hemû hevkarên wê hesab bipirsin. Serkeftin û azadî dê ya gelê me û jinan be.”[1]
https://pajk.org/ji-bo-raya-demokratik-u-capemeniye/