ئاواز
لە کتێبی: #قەڵای ڕاز#
بەرهەمی: #ژیلا حسێنی# (1964-1996)
کە پەنجەی شووش و ناسکت
لەسەر سێتاری سەر سنگت
هاتنە سەما
وەک بزانی
چرپەی چەن ڕاز
خورپەی نیاز
شەپۆلی چەن ئاواتی دوور
خزابێتە کونجی دڵم
کە لەپڕ دەنگت هەڵهێنا
چەندە ماسیی حەز و تاسەی
دەریای دەروونم ورووژان
چەندە وردیلەی نێو هەستم
کەوتنە سەما؟...
من نازانم
بەڵام ئەوەندە ئەزانم
نە ئەو شەوە، نە شەوانی دوای ئەو شەوەش
لەبیری من نەچوویتەوە
بیرت وەکوو پەپوولەی ڕاز
بە دەور شەمی خەونەکانما
ئەخولێتەوە.
1993-09-08
[1]
Este artículo ha sido escrito en (کوردیی ناوەڕاست - Central Kurdish) Lenguaje, haga clic en el icono de
![](https://www.kurdipedia.org/images/flags/ku.png)
para abrir el artículo en el idioma original!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Este artículo ha sido visitado veces 626
Escriba su comentario sobre este artículo!