مامۆستا
لە کتێبی: #قەڵای ڕاز#
بەرهەمی: #ژیلا حسێنی# (1964-1996)
دەستم بگرە و بمبە و بڕۆ
ئەیرە شوێنێکی دڵتەنگە
زۆر جێ ماوین، کات درەنگە
خەمی کەلوپەلت نەبێ
ئەمە سەرم بیگرە و بڕۆ
جانتای وشەی ڕەنگاوڕەنگە
چیت پێداوم، پەرۆشی دانە و دوانیانم
وا خەریکە کاڵ ئەبنەوە
دەخیلت بم فریام کەوە
درنجی خەم هەناسەکانم ئەبژێرێ
ناهومێدی دەرکەی ئازارم لێ ئەدات
ئەوا سەرم ئێسگەی حەوانەوە و تێفکرینی خۆی ون ئەکات
دە بێ و بمبە
نامۆیی و خەم لە ئەندێشەم بتارێنە
بارانی تیشک و ڕووناکی
بەسەر کێڵگەی تینووی مێشکما ببارێنە
دە بێ گیانە وەک ئاوێنەی باڵانما
سیمای ڕەشی نەزانینم پێ بنوێنە [1]
Este artículo ha sido escrito en (کوردیی ناوەڕاست - Central Kurdish) Lenguaje, haga clic en el icono de
![](https://www.kurdipedia.org/images/flags/ku.png)
para abrir el artículo en el idioma original!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Este artículo ha sido visitado veces 423
Escriba su comentario sobre este artículo!