ناو: ئەفشین
نازناو: غوڵامی
ناوی باوگ: مزەفەر
رۆژ وەدهاتن: 11-04-1983
شوون وەدی هاتن: شار ئسڵام ئاوای ڕۆژاوا لە پارێزگای کرماشان

ژیاننامە

[قەیران شوناس، دیاردە یا هەستێگە ک لە جوورێگ بێ ئستقراری، شێواوی و شڵەژاوی لەکارکرد ئەندامەیل یەی سیستەم یا دابڕان پێکهاتەیی لە یەی من تاکەکەسی یا منکۆمەڵایەتی گوزارشت کێد و لە درستبۊن ئیجوورە هەستێگ، هەم توخمەیل عەینی و هەم توخمەیل زەینی و هەم فاکتەرەیل هۊری و بەهایی، کارگەرن.
وەی¬رۊ، قەیران شوناس لەبنەماوە دڵاڵەت وەی باوەڕەسە ک، مرۆڤەیڵ ئەڕا مانابەخشین وە ژیانێیان و ڕوون کردن پەیوەندی خوەیان و ئەوانیتر و ژینگە، وەیەی چوارچوو بەهایی هەوەجە دێرن، هەروەها هەر کاتێ توخمەیل سەرەکی سیستەم و نزام بەهایی، سستەو بوون یا یەکپارچەیی خوەیان لە دەست بێیەن، شوناس تاکەکەس یا گرووە تۊش ناهاوسەنگی یا قەیران بوود.
لە یەی کۆمەڵگای وەناو نەریتی و سۆنەتی، زۆرم توخمەیل شوناسبەخش، وەجوورێگ لەئاراستەی بەهایل هووزەکی و عەشیرەییە، لەحاڵێ ک لە یەی کۆمەڵگای وەناو مودڕن، تەما و سۆز و وەفادارییەیل خۆجەیی لەزۆرم زەمینەیل وەرەو بەرژەوەندی و قازانج وڵاوەتر و گشتیتر ئاراستە کریێد.
هەرکات بەهایل نوو بانەناو کۆمەڵگا و وەشوون بنەکیکردن خوەیان بوون، دژبەرییگ لەناوەین بەهایل ویەردە و نوو درست بوود. هەر وەی¬ڕۊ کاتێ بەهایل نوو بتوانن وەگەرد بەهایل کونر و ویەردە وەجەڕ بان، هاتێ فەرهەنگ کۆمەڵگا تۊش گۊیەڕیانکاری بکەن و لەپەرتخ، بەرەنگار شوناس کۆمەڵگا بوون و لە حاڵەتێ ک نەتوانن ڕێکارێگ ئەڕا چارەسەرییێ پەیدا بکەن، مەیدانێگ ئەڕا ناچارەبۊنێیان خوڵقنن و کۆمەڵگا تۊش قەیران و کەلین کەن. شکڵگرتن قەیران شوناس بوودنە هووکارێگ تا تاکەیل نەتوانن وەناسین خوەیان و شوناس فەرهەنگی خوەیان، وەمەبەست جۊلیان وەرەو پێشکەفتن سیاسی و فەرهەنگی و کۆمەڵایەتی گام بنەن.][1]