ئەنجوومەنی سەرکردایەتی #یەکێتیی نیشتمانیی کوردستان# کۆدەبێتەوە و تاوتوێی پڕۆژەیەک دەکات کە بۆ دوو ئیدارەیی لە هەرێمی کوردستان ئامادەکراوە.
ڕۆژی سێ شەممە، 8ی تشرینی دووەم، ئەنجوومەنی سەرکردایەتی یەکێتی نیشتمانی بە سەرپەرشتی #بافڵ تاڵەبانی# سەرۆکی حیزبەکە کۆدەبێتەوە. کۆبوونەوەکە تایبەتە بە تاوتوێکردنی پڕۆژەیەک کە بۆ بابەتی دوو ئیدارەیی لە هەرێمی کوردستان لەلایەن لیژنەیەکەوە ئامادەکراوە. هەروەها لە کۆبوونەوەکە گفتوگۆ لەبەرەی کشانەوەی یەکێتی لە کابینەی نۆیەمی حکومەتی هەرێم دەکرێت.
پڕۆژەی دروست بوونی دوو ئیدارەیی لەلایەن لیژنەیەکی سێ کەسی ئامادەکراوە، لەڕووی سیاسی و ئیداری و ئابووری، بابەتەکانی دوو ئیدارەیی لە هەرێم خراوەتەڕوو.
یەکێتی ئەم هەنگاوە وەک کارتێکی فشار لە بەرانبەر پارتی بەکاردەهێنێت، ئەوەش بۆ کەم کردنەوەی ئەو فشارانەی ئەو حیزبە ماوەیەکە لەسەر یەکێتی دروستی کردووە.
لە کۆبەنەوەی سبەینێی ئەنجومەنی سەرکردایەتی ئەو حیزبە هیچ بڕیارێک لە بارەی دوو ئیدارەیی و کشانەوە لە حکومەتی هەرێم نادرێت. [1]
Este artículo ha sido escrito en (کوردیی ناوەڕاست - Central Kurdish) Lenguaje, haga clic en el icono de
![](https://www.kurdipedia.org/images/flags/ku.png)
para abrir el artículo en el idioma original!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Este artículo ha sido visitado veces 851
Escriba su comentario sobre este artículo!