Nivîskar û rojnamevan Dilşad Murad
Di 25ê gulana sala 1984an de, li gundê #Girê Şêra# ya girêdayî herêma #Dêrikê# jidayîk bûye. Fakulteya Aborî li Zanîngeha Şamê xwendiye.
Di sala 2007an de, komeleyeke Kurdî (Komeleya Rojda ya Çanda Kurdî) ya girêdayî xwendevanan li Zanîngeha Şamê ava kir, ji ber vê yekê gelek caran navbera salên 2007-2008an ji aliyê rêjîma Sûrî ve hat binçavkirin.
Di navbera salên 2008-2009an de, lêkolîneke berfireh li ser rêxistinên siyasî, civakî û çandî yên Kurdî li Sûriyê, belav kir.
Di destpêka aloziya Sûrî sala 2011an de, rojnameya elektronî ya bi navê “Azadî” damezirand û birêvebir, jê 40 jimar derketin û heya sala 2018an dewam kir.
Di sala 2012an de, beşdarî damezirandina rojnameya wêjeyî ya elektronî (Pênasa nû) bû.
Di navbera salên 2013-2018an de, weke serok edîtor û rêveberê beşa erebî di “Rojnameya Ronahî” de bû.
Bi avakirina Rêveberiya Xweser ya li Rojavayê Kurdistanê, bû endamek Meclisa Zagonsaz a Herêma Cizîrê û bû rêveberê Komîteya Çandî di meclisê de, di sala 2016an de, ji erkê xwe devjêberdan kir.
Di hevîna sala 2018an de, tevlî desteya edîtortiyê ya “Kovara Rojhilata Navîn a Demokratîk” bû û li ser amadekariya hejmara 40î sekinî.
Di îlona sala 2018an de, tevî çend rewşenbîrên din, kovara wêjeyî “Şermola” damezirand û heya niha ew kovarê weke serok edîtor û rêveberê giştî bi rê ve dibe.
Di sala 2019an de, pirtûka “أيديولوجيا الإبادة العرقية في الشرق الأوسط Di Rojhilata Navîn de Îdeolojiya Qirkirina Etnîkî” ku bi zimanê erebî ye, bi riya weşanxaneya Şilêr hat weşandin, pirtûk li Misirê jî ji aliyê weşanxaneya Nefertîtî hat çapkirin, ev pirtûk di sala 2021an de, bi zimanê kurdî hatiye wergerandin û ji aliyê weşanxaneya Şilêrê hatiye çapkirin.
Tevî karê rojnamevanî û berhemê wî, her wiha gotarên siyasî û çandî bi zimanê erebî di rojname û malperên hundir û derveyî welat de jî dinivîsîne û niha koşenivîsek wî ya heftane bi navê “Axaftina Ser Çandê” di “Rojnameya Ronahî” de heye.[1]