[1]رۆژنامەیەکا ئامەریکی راگھاند، ئێریشا درۆنی یا ل سەر فرۆکەخانەیا ناڤدەولەتی یا #سلێمانی#ێ ژ بۆ ئارمانجکرنا فەرماندارێ گشتییێ ھێزێن سووریا دەمۆکراتیک (#ھەسەدێ#) #مەزلووم عەبدی# بوویە.
رۆژنامەیا زە وال سترێت جۆرنال بەلاڤ کریە: “ئێریشا درۆنان یا ل باکورێ ئیراقێ ژ بۆ ئارمانجکرنا فەرماندارێ گشتییێ ھەسەدێ بوویە.”
د راپۆرتێ دا دەربارێ ئێریشا ل نێزیکی فرۆکەخانەیا سلێمانیێ دا، زە وال سترێت جۆرنال ل سەر زارێ ھەژمارەک بەرپرسێن ئامەریکی، دیار کریە: “ئەو ئێریش ل دژی مەزلووم عەبدی بوو کو ھەڤپەیمانێ ئامەریکایێیە د شەرێ رووبرووبوونا داعشێ دا، لێ بەلێ ئێریشێ چ زیان ب خوە را نەئانی.”
رۆژنامە بەحسا وێ یەکێ دکە کو “د دەما ئێریشێ دا سێ سەربازێن ئامەریکی لگەل مەزلووم عەبدی بوون.”
دوھ رۆژا ئەینی 7 نیسانا 2023، تەقینەک ل نێزیکی فرۆکەخانەیا ناڤدەولەتی یا سلێمانیێ روودا و ژ بەر تەقینێ ئاگر ل دەردۆرا فرۆکەخانەیێ کەت. پشترا ھات راگھاندن کو بوویەر ئێریشا درۆنی بوویە.[1]
Este artículo ha sido escrito en (کرمانجی) Lenguaje, haga clic en el icono de
para abrir el artículo en el idioma original!
ئەڤ بابەت ب زمانا (کرمانجی) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
Este artículo ha sido visitado veces 624
Escriba su comentario sobre este artículo!