#ڕێبەر ئەحمەد#: حکومەتی ئێراق نابەرپرسیارە
وەزیری ناوخۆی حکومەتی هەرێم حکوومەتى ئێراق بە نابەرپرسیار ناو دەبات و دەڵێت: حکومەتی ئێراق ئەرکی خۆی جێبەجێناکات.
ڕێبەر ئەحمەد، وەزیری ناوخۆی حکومەتی هەرێم لە مەراسیمی کردنەوەی ناوەندێکی UNHCR بۆ هاوکاریکردن و پێشکەشکردنی خزمەتگوزاری بۆ پەنابەران باسی لەوەکرد، پێشبینیدەکرێت ئەم ناوەندە خزمەتگوزاری پێشکەش بە زیاتر لە 100 هەزار پەنابەر لە پارێزگای #هەولێر# بکات.
وەزیری ناوخۆ دەڵێت: وەزارەتی کۆچ و کۆچبەرانی ئێراق زۆر نابەرپرسانە مامەڵە لەگەڵ ئاوارە و پەنابەران لە هەرێم دەکات، ڕاستە ئێراق وڵاتێکی دەوڵەمەندە و بودجەی زۆر گەورەی هەیە، بەڵام بەداخەوە لە بواری ئاوارە و پەنابەر ئەرکی خۆی جێبەجێناکات.
دەشڵێت، داوا لەکۆمەڵگەی نێودەوڵەتی دەکەین ئەرکی هاوکاریکردنی پەنابەران بۆ حکومەت و خەڵکی هەرێمی کوردستان جێنەهێڵن.
وەزیری ناوخۆ ئاماژەی بەوەشدا، لەسەدا 50ی ئەو پەنابەرانەی هاتونەتە هەرێم لە هەولێر نیشتەجێن، بەداخەوە بارودۆخ هێشتا ئاسایی نەبووەتەوە و ڕێکارەکانیش وەک پێویست نین، بۆ ئەوەی پەنابەران لە هەرێم ئارەزومەندانە بگەڕێنەوە ناوچەکانی خۆیان. [1]
Este artículo ha sido escrito en (کوردیی ناوەڕاست) Lenguaje, haga clic en el icono de
para abrir el artículo en el idioma original!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Este artículo ha sido visitado veces 528
Escriba su comentario sobre este artículo!