لە ماوەی 20 ڕۆژدا 11 هەزار و 84 کەس لە هەرێمی کوردستان لە داشکانی 15%ی قەرزی کرێی ئاو سوودمەند بوون و نزیکەی 396 ملیۆن دینار داشکاندنیان بۆ کراوە.
بڕیاری داشکانی 15%ی قەرزی کرێی ئاو لە #هەولێر# و #دهۆک# و #سلێمانی# و #هەڵەبجە# تاوەکوو سبەینێ #10-05-2023# کاری پێ دەکرێت، چاوەڕێ دەکرێ ژمارەی سوودمەندانی بڕیارەکە بگاتە 20 هەزار کەس.
تا ئێستا #09-05-2023# لە داشکانی 15%ی قەرزی کرێی ئاو، 11هەزار و 84 کەس سوودمەند بوون. نزیکەی 396 ملیۆن دیناریش داشکان بۆ ئەو کەسانە کراوە.
لە ماوەکانی ڕابردوودا ئەنجوومەنی وەزیرانی هەرێمی کوردستان، ڕەزامەندیدا لەسەر لێخۆشبوونی بەشێکی قەرزی کرێی ئاوی هاووڵاتییان.
بەپێی ئامارێکی بەڕێوەبەرایەتیی گشتیی ئاو و ئاوەڕۆ لە وەزارەتی شارەوانی و گەشتوگوزار، لە ماوەی 20 ڕۆژدا، لە سنووری تەواوی فەرمانگە و بەڕێوەبەرایەتییەکانی ئاو لە شارەکانی هەولێر و سلێمانی و دهۆک و هەڵەبجە و #کۆیە# و #سۆران# و #زاخۆ# و #ئاکرێ# و #کەلار# و #گەرمیان# و #ڕاپەڕین#، زیاتر لە 11 هەزار و 84 هاوبەش مامەڵەی سوودمەندبوونیان لە بڕیاری لێخۆشبوونی ڕێژەی 15%ی کرێی ئاو کردووە. [1]
Este artículo ha sido escrito en (کوردیی ناوەڕاست - Central Kurdish) Lenguaje, haga clic en el icono de
para abrir el artículo en el idioma original!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Este artículo ha sido visitado veces 502
Escriba su comentario sobre este artículo!