ئۊجاخەش کۊرەنە
خەڵکو هۆرامانی، وەڵۍ ئایینو ئیسلامی پاڕەوۍ ئایینو زەردەشتیشا کەرڎەن، یۊ جە سیما دیارەکا ئایینو زەردەشتیچ (ئایېرو هارگێ) بېیەن، پېویس بېیەن ئایېرو هارگێ دایېم گڕۊنەو نەکوشیۊوە، کەرڎەیۆ و خېزنای ئایېرو هارگێچ سەرو شانەو (نېر) ی بېیەن، چوونکوم هېزو ماساوڵاش فرەتەر بېیەن جە ژەنۍ، دلۍ هۊڎەکانە یام دلۍ باخ و کەشانە هېزمېشا کەردېنێ، بە شانۍ ئاردېنېشاوە پەی دلۍ سوبە و هارگێ، پەوکەی دریان سەرو شانا پېیایرە. گەر خانەوادێوە کوڕشا نەبېیێ، ئایېرشا کوشیېوە، خەڵکی پەنە واتېنۍ ئۊجاخەشا کۊرە بیېنۆ، ئیسەیچ جە هۆرامان ئا ژەن و پیا کە کوڕشا نییەن، یان هەر زاروڵەشا نییەن، پەنەشان ماچان: (ئوجاخەشا کورەنە)، گەر خانەوادێ کوڕەکېشا خرابۍ و لاسارۍ بان، پەنەشان ماچان: وەشڵەی هەر ئوجاخەشا کورە بېیێ، نەک ئانېشا بېیێنۍ.
ئی واتۍ بېجگە مانا مادیەکېش، مانێوە مەعنەویەی قووڵەیچش هەنە، واچیان مروڤ ئۊجاخەش کۊرەنە، دیسان پەی بەها دیارەکا بەکار ئامێنە، پەی نموونەی (وەفا، وەشەویسی، پېیاوەتی، ئازایی، ...هتد). خەیامی واتەن:
بشبووبێ وەفا ئێستە وەجاخی کوێرە
کێ ڕاستە لەوانی دیوتە، یەکێ بژمێرە
هەر کووپە مەیە هەواڵی دڵپاکەو بەس
بێ فێڵە، مەترسە، خۆتی پێ بسپێرە.[1]