ل ساڵا 1953 ل گوندێ گوڵەخانە ژدایک بوویە، توو قوناغێن خوەندنێ تمام نەکرینە، جووتیار بوویە، بخوە فێری خوەندنێ و نڤیسینێ کرییە.
محەمەدێ حاجی مەحمود محەمەد، یێ بەرنیاس ب حەمەی حاجی مەحمود و کاکە حەمە، ساڵا 1975 پاش نسکویا شوڕەشا ئەیلوول ئاوارەی ئیرانێ بوویە، ل #18-08-2004#ێ بوویە ئەندامێ ئەنجومەنا نیشتمانیا کاتی یا عیراقێ ، ل #04-06-2005# بوویە ئەندامێ ئەنجومەنا نیشتمانیا کوردستان خولا ددوویان لسەر لیستا حزبا سۆسیال دیموکراتا کوردستانێ، ل #07-10-2006# بویە وەزیرێ هەرێم یا کابینەیا پێنجێ، شارەزایێ زمانێن کوردی، فارسی و عەرەبییە. ساڵا 1968 پەیوەندی ب ڕێزێن #پارتی دیموکراتی کوردستان#ڤە کرییە و ل ساڵا 1970 بوویە ئەندامێ ڤێ حزبێ، ساڵا 1976 پەیوەندی ب ڕێزێن کۆمەڵەیا #مارکسی لینین#یڤە کرییە، ل #26-06-1976# پەیوەندی ب ڕێزێن هێزا پێشمەرگەی کرییە، ل مەها تشرینا ددووان ساڵا 1976 پشکدارییا شەڕێ بانی بنۆکێ حەلەبچێ کرییە، ساڵا 1977 فەرماندەیێ کەرتا بوویە ل هێزا پێشمەرگەیێ #یەکێتی نیشتمانی کوردستان#، ل #17-04-11978# لبەر نەگونجانا هزر و بیران واز ل ڕێزێن کۆمەڵەی مارکسی لینینی هینا، بەڵێ وەکە پێشمەرگە هەر لناڤ یەکێتی مایەڤە، ل مەها حوزەیرانا ساڵا 1980 بەرپرسیارێ هێزا یەکێتی نیشتمانی کوردستان ل دەڤەرا خۆشناوەتی بوویە، ل #16-09-1980# فەرماندەییا هێزا یەکێتی نیشتمانی کوردستان ل شەڕی تەپی سەفا یا حەلەبچێ کرییە.
ل #12-12-1980# پەیوەندی ب ڕێزێن حزبا سۆسیالیستا یەکگرتوویا کوردستانێ ڤە کرییە. ل ساڵا 1981 بوویە ئەندامێ یەدەگێ کۆمیتەیا ناڤەندیا حزبا سۆسیالیستا کوردستانێ (کۆنگرەیا ئێکەم)، #17-04-1981# ئێکەک بوویە ل فەرماندەیێن شەڕێ ئالان و حاسڵ دژی هێزێن سوپایێ عیراقێ، ل مەها ئابا ساڵا 1981 بوویە ئەندامێ کۆمیتەیا ناڤەندی یا حزبا سۆسیالیستا کوردستانێ و بەرپرسیارێ لقا سلێمانی یا ڤێ حزبێ، . ساڵا 1986 وەکە فەرماندەیێ #شارەزوور# یا حزبا سۆسیالیستا کوردستان واژویا ڕێکەفتننامەیا ئاشتیێ تەڤی یەکێتی نیشتمانی کوردستان کرییە، ل مەها نیسانا 1986ێ سەبەبێ ئاشتی یا دناڤبەرا یەکێتی نیشتمانی کوردستان و حزبا سۆسیالیستا کوردستانێ بوویە.
لە #19-03-1991# ب نێنەرایەتیا حزبا سۆسیالیستا کوردستان پشکدارییا کۆبوونەوەیا بەرەیێ کوردستانی ب مەرەما دیارکرنا دەمێ هەڵبژاردنا ئەنجومەنا نیشتمانیا کوردستانێ و بارودوخێ ئابووری و ئاسایشی یا باشوورێ کوردستانێ کرییە، ساڵا 1992 ئەندامێ سەرۆکایەتیا حزبا ئێکگرتنا کوردستانێ بوویە،
ساڵا 1993 ژ ئالێ نێنەرێن کۆنگرێ ڤە ب ئەندامێ مەکتەبا سیاسی #پارتی دیموکراتی کوردستان# یەکگرتوو ( کۆنگرەیا یازدەیە‌مینا پارتی دیموکراتی کوردستان ) هاتییە هەڵبژاردن و پشتی دەمەکێ کورت ل پارتی جودا بوویە. #06-10-1993# ل خالا سنووریا باشماخ ل سنوورێ پارێزگەها سلێمانی وەکە ئەندامێ مەکتەبا سیاسیا پارتی دیموکراتی کوردستان یەکگرتوو پێشوازی ل تەڕمێ #مستەفا بارزانی# و #ئیدریس بارزانی# کر دەمێ کو ل ئیرانێ بەرەف گوندێ بارزان هاتنە ڕێکرن. ل #15-11-1994# کۆنگرەیا دامەزراندنا حزبا سۆسیالیست دیموکراتا کوردستانێ ل هەڤلێرێ ساز کر و بڕێڤە بر.[1]