هەرچەندە بەشێکی زۆری خەڵکی پابەندی وەرزشکردنن لە کاتەکانی ئێواراندا و هۆکاری ئەو بڕیارەشیان بۆ نەبوونی توانای زوو هەستان و کێشەی کەمخەوی لە بەیانیاندا دەگەڕێننەوە، بەڵام بە گوێرەی دواین توێژینەوەکان وەرزشکردنی بەیانیان توانای پابەندبوون بە کارەکانت، کەمکردنەوەی کێش، بەهێزکردنی توانای مێشک، سوڕی خوێن و لێدانی دڵ بەشێوەیەکی باشتر ڕێکدەخاتەوە.
لەوبارەیەوە توێژینەوە تەندرووستییەکان ئاماژە بەوەدەکەن، زوو هەستان لە خەو و وەرزشکردن لە کاتێکی زووی بەیانیاندا توانای بەردەوامبوون و پابەندبوونی ڕۆژانەی زیاترت بۆ دەستبەردەکات، بە پێچەوانەوە بەهۆکاری هیلاکی و کارکردن بۆ ماوەیەکی زۆر لە ڕۆژدا یان بەهۆی دیداری خێزانی و هاوڕێیان زۆرجار وەرزشکردنی ئێواران بەشێوەیەکی ڕێکخراو ئەنجام نادرێت.
یەکێک لە سوودە سەرەکییەکانی وەرزشکردن لە کاتێکی زووی بەیانیاندا ئەوەیە هاوکاری بڵاوبوونەوەی هۆرمۆنی ئیندرۆفینە کە هەستەکان ڕێکدەخات و یارمەتیی کەمکردنەوەی فشاری ڕۆژانە دەدات، هەروەها وەرزشکردن لەو کاتەدا هاوکارێکی سەرەکییە بۆ دابەزینی کێش و سووتاندنی چەوری.
یەکێکی دیکە لە سوودەکانی وەرزشکردنی بەیانیان بریتییە لە زیادکردنی چالاکییە زهنییەکان، لەبیرنەچونەوەی شتەکان و توانای وردبوونەوە لە پرسەکان، پەیوەست بە سوودەکانی بۆ جەستەش توێژینەوەکان دەڵێن، وەرزشکردن لە بەرەبەیاندا سوڕی خوێن، لێدانی دڵ و فشاری خوێن بەشێوەیەکی باشتر ڕێکدەخاتەوە و جەستەیەکی ڕێک و نموونەییش بە کەسەکە دەبەخشێت. [1]
Este artículo ha sido escrito en (کوردیی ناوەڕاست) Lenguaje, haga clic en el icono de
![](https://www.kurdipedia.org/images/flags/ku.png)
para abrir el artículo en el idioma original!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Este artículo ha sido visitado veces 437
Escriba su comentario sobre este artículo!