کەڵەباب گوی دەخوا و بانگیش دەدا
مام (#جاسم بایز کاوێس# مەلاک) ئامۆزای باوکم کاتی خۆی لە (ئامادەیی کشتوکاڵی کەربەلا) خوێندکار بووە، وتی: ڕۆژێک خوێندکارێک بە جۆرێک لە پێکەنین و گاڵتە پێکردنەوە لە مامۆستای بابەتی سامانی ئاژەڵی پرسی مامۆستا بۆچی مریشکی خۆماڵی تامی زۆر خۆشترە لە مریشکی کێڵگەی پەلەوەڕی؟ مامۆستاکەش سەیرێکی کرد و زانی پرسیارەکەی جۆرێکە لە گاڵتە پێکردن وتی: کوڕم چونکە گووی دەخوات.
کەواتە مریشک و کەڵەشێر هەردووکیان لەسەر زبڵدان و گیفۆک و سەرینگوانان شتی پیسی وەکوو مشکی تۆپیوو و ڕێخۆڵەی جۆراوجۆر و پاشماوەی ئاژەڵ و گووی مرۆڤ چینە چینە و پێ پوڕە و کنە دەکەن و دەیخۆن، ئەوە بووە بە ئیدیۆم هاوشێوەی مریشک هێڵکەش دەکا و چیقنەش دەکا، کەڵەبابیش گوش دەخوا و بانگیش دەدا ئەوە بۆ هەندێ مرۆڤ بەکاردەهێنرێت کەکاری باشیش دەکات و لەبەرانبەریشدا کاری خراپیش دەکات.[1]
Este artículo ha sido escrito en (کوردیی ناوەڕاست) Lenguaje, haga clic en el icono de
![](https://www.kurdipedia.org/images/flags/ku.png)
para abrir el artículo en el idioma original!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Este artículo ha sido visitado veces 337
Escriba su comentario sobre este artículo!