گەر بە ڕیش بیێ، سابرین جە گرڎ کەسێ پېیاتەر بۍ
دلۍ کەلتوورو فرەو نەتەوەکانە پاسە ئامان کە (ڕیش) هېما و نیشانۍ پېیاوەتینە، یانی گەر کەسێ ڕیشێ پەڕش بۊ ئانە پېیاوەتیش فرەتەرو یاگېش بەرزتەرەنە.
ڕاسەن کە(ڕیش) نیشانێنە پەی جېیاکەردەیۆ مېیانو ژەن و پېیای، دلۍ ئایینە ڕاسیەکانە حورمەتش هەن، زېیاتەر پەی کەسە بە تەمەنەکا کە پېسە نەخشێ هەم حورمەتێ پۆشاوە دیارەن، چانەی زیاتەریچ گەر ئا ڕیشە پەی ویقاری و خوڎا پەرەسەی ئازیابۊوە.
بەشێ جە کەسەکا هەر بە سرووشتو وېشا کۊسېنۍ، ڕیششا نېیەن، چەنی ئانەیچە فرە پیێنۍ و پېیاوەتی و مەردایەتیشا پۆوە دېیارەن.
چڼەها کەسۍ تەرېچ هەنۍ کە ڕیش منیارە، بەڵام چېرو ڕیشەکەیشانە هەزارەها فڕ و فېڵۍ مەشاراوە.
ئانەیچ بېیەن بە دەرسێ پەی خەڵکی کە بە ڕیش نەخەڵەتیا، ڕەفتار و گوفتار کەران بنەماو پلەو پېیاوەتی کەسەکا، هەر پەوکەی واتەنشا: گەر بە ڕیش بیێ، سابرین کە نېرو بزېن، ڕیشێ درېژش هەن، جە گرڎ کەسێ پېیاتەر بۍ.[1]