بووک لەسەر زینی یاڕزق و یانسیب
لە ناوچەی خۆشناوەتیدا چەندین ئیدیۆمیان بەبن زاریدا هاتووە کە زۆر شیرین و پڕ گوزارشت و ئەزموونن وەکوو: (بووک لەسەر زینی یاڕزق و یانسیب) ، وتراویشە: #بووک لەسەر زین دەگەڕێتەوه# ، لە کۆندا کاتێک ژن بە ژنە و زەماوەند دەکرا، بووکیان دەخستە سەر وڵاغەبەرزە و ئێستر و ئەسپ و ماین و بارگیر و گوێدرێژ لەبری ئۆتۆمبیلی زەمانە، ماین و ئەسپ لەبری کوورتان زینیان لەسەر پشت بوو، بووک دەخرایە سەر ئەو زینە و بۆ زاوای دەگوازرایەوە، زۆرجاران لەکوردەواریدا واڕێکەوتووە بەهۆی کێشە و گرفت و ڕووداوێکەوە بووک لەسەر زین گەڕێنراوەتەوە و ژن بەژنەکە سەری نەگرتووە، ئەوە بووە بە ئیدیۆم سەبارەت بە (قیسمەت و نسیب) نەبوونی شتێک لە کوردەواریدا بۆ ئامۆژگاری و زانیاری و دڵدانەوە وتراوە: بووک لەسەر زینی یاڕزق و یانسیب. [1]
Este artículo ha sido escrito en (کوردیی ناوەڕاست) Lenguaje, haga clic en el icono de
![](https://www.kurdipedia.org/images/flags/ku.png)
para abrir el artículo en el idioma original!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Este artículo ha sido visitado veces 227