#عەلی حەمە ساڵح#، پەڕڵەمانتاری خولی پێنجەمی پەڕڵەمانی کوردستان ، ئاشکرای دەکات کە لەسەر حسابی داهاتی #سلێمانی# 602 کەس بۆ دژەتیرۆری یەکێتی دامەزراون و بە یەک جار پلەیان بۆ (نائیب زابت) بەرز کراوەتەوە.
ئەو پەڕڵەمانتارە لە لاپەڕەی خۆی لە فەیسبووک ئاماژەی بە ئەوە داوە کە لە کاتێکدا کە دەگوترێ پارە بۆ پڕۆژە و دەرمان و ڕێگاوبان و وانەبێژان و گرێبەست و پلەبەرزکردنەوەی فەرمانبەرانی مەدەنی و مامۆستا و دەیان هەزار دەرچووی زانکۆ نییە، لەسەر حسابی داهاتی سلێمانی 602 کەس بۆ دژەتیرۆری یەکێتی دامەزراون.
ئاماژەی بە ئەوە داوە کە ڕێکەوتی #01-11-2022# بە نووسراوی 8338، 602 کەس لە دژەتیرۆری یەکێتی تۆمار کراون و خراونەتە سەر یەکەی 70 بە (لەجێدانان) و سەرجەمیشیان پلەیان لە سفرەوە کراوە بە نائیب زابت و لیستەکەش سەرجەمی سەر بە فەوجەکانی دژەتیرۆرە.
عەلی حەمە ساڵح ڕوونیشی کردووەتەوە کە ئەو کەسانە لە مانگی پێشووەوە یەکەم مووچەیان لەسەر هێزی (70) وەرگرتووە و ئێستا خەرجیی هێزەکانی حەفتا و دژەتیرۆر لە داهاتی ئاو و کارەبا و باجی خەڵکی سلێمانییە بەڵام فەرمان لە سەرۆک حزب و شەخس وەردەگرن. [1]
Este artículo ha sido escrito en (کوردیی ناوەڕاست - Central Kurdish) Lenguaje, haga clic en el icono de
![](https://www.kurdipedia.org/images/flags/ku.png)
para abrir el artículo en el idioma original!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Este artículo ha sido visitado veces 383
Escriba su comentario sobre este artículo!