حاجی ژەن خەرامانە فیمینیستەی هەرەقەتینە
نویستەی: #هەورامان ڕۆستەمی#
حاجی ژەن خەرامان گۆڵی ئەژناسیا بە حاجی خەرامان.
فێمێنیستەی هەرەقەتینە!
داخۆم چن ژەنیما با کە ئێدێعاو ڕاوەبەردەو مەکتەبوو فێمێنیزمی و وەراوەری ژەن و پیایشا بۊ؟چن ژەنیما هەنێ بەداخەوە بە سیلیکۆن و پرۆتێز و دەیان عەمەڵێ جەڕاحیێ زیبایی وېشا بە فێمێنیست مزانا؟
چن ژەنیما هەنێ بەداخەوە وەراوەری ژەن و پیای بە بەرەڵایی و دەمبازی مانا کەراوە!
هەرچن بە وەشحاڵیەوە ئیسە خەریکا ڕېژەو ژەنە ڕېفۆرموازەکاو کۊمەڵگاو ئېمە زیاڎش کەردەن و بە هۆ زانست و تێکنۆلۆژی و سۆرعەتوو وەڵاوکەردو هەواڵی جە هاڵیگای مەجازیەنە، بەڵام مشیۊم بزانمێ ژەنېوە پېسەو حاجی خەرامانێ کەی تاکو ئیسە بە کردەوە سەلمنانش کە هیچ وەراوەرەنە چەنی پیای گېرە فرە زیاتەرە بېیېنە جە فرەو پیایەکاما.
حاجی ژەنی ڕەمزوو مدرامان و ژیوای وێپا و سەربەوێ بۍ کە بەداخەوە جیایش ئاستیمێ.
حاجی ژەنی وانەو سەبر و مدرامان جە وەراوەروو سەخڵەتیەکاو کۊمەڵگایش بە ڕېک‌ و پێکی پەی ئەرمانایمێ.
کۊمەڵگاو ئارۊی بە داخەوە تەنیا ڕېز جە ژەنە قەڵەم بە دەسەکا گېرۊ! ئەی ژەنېوە پېسەو حاجی ژەنێ کە بە مەرارەت و سەختی جە ساتەوەختە تاڵەکاو ڕۊزگاریەنە بە هېز و تەوانێوی بۍ ئەوپەڕینەوە تاوانش بە ۋرێوی پۆڵایین ۋیەرۆ مشیۊم کێ ڕېزش چەنە گېرۆ؟
کێ هەن جە ئاڎۍ زیاتەرەبۊ تاکو بتاڤۆ ڕېزش چەنە گېرۆ!
پڕ بە دڵ پەرسە و سەرەشی کەروو جە یانەیاشا و خەڵکوو بە شەرەفوو شارەکەیم (نۊتشە) ی و هەرپاسە گردو ئا ژەنا کە نامۍ وېشا سەلەمنا ملو پەلەکاو تاریخ و ۋیەرینوو هۆرامان و کۊردەواری بە عامیەرە و سەرجەم ژەنە ڕېفۆرموازەکا و فێمێنیستە هەرەقەتینەکا.[1]