بەهۆی خراپی دۆخی دارایی #هەرێمی کوردستان# و دواکەوتنی مووچەوە، ئاڵوگۆڕی بازرگانی لەنێوان هەرێمی کوردستان و وڵاتانی دەرەوە بەڕێژەی 50% کەمیکردووە.
شێخ عەتا محەمەد، جێگری سەرۆکی یەکێتی هاوردە و ناردنکارانی کوردستان ڕایگەیاند، بەهۆی دواکەوتنی مووچەوە کڕینی پێداویستیش کەمیکردووە، بۆیە ئەگەر ئەم دۆخە بەردەوام بێت، کاریگەریی لەسەر ئێکسپایەربوونی شمەکەکانیش دەبێت و ئەوەش کاریگەریی لەسەر هاوردەی شمەک دەبێت.
ناوبراو ئاماژەی بەوەکرد، بەهۆی ئەم دۆخەوە ئاڵوگۆڕی بازرگانی بەڕێژەی 50% زیاتر وەستاوە، چونکە کاڵاکان سەرف نابن، بۆیە بازرگانیش ناتوانێت شمەکی زیاتر هەناردە بکەن، کاڵاکانیش هەمەجۆرن لە پێداویستی بیناسازی، خواردن و خواردەمەنییەکان.
هەروەها ڕوونیکردەوە، ئێستا ئاڵوگۆڕی بازرگانی بە پلەی یەکەم تورکیایە ساڵانە نزیکەی 10 تا 12 ملیار دۆلارە، ئێران پلەی دووەمە زیاتر لە 6 ملیار دۆلارە، پاشان وڵاتی چین پلەی سێیەمە.
تا ئێستا لە ساڵی 2023 #حکومەتی هەرێمی کوردستان# مووچەی مانگەکانی تەموز و ئاب و ئەیلولی دابەش نەکردووە و چاوەڕوانی ناردنی پارەیە لە بەغداوە. [1]
Este artículo ha sido escrito en (کوردیی ناوەڕاست - Central Kurdish) Lenguaje, haga clic en el icono de
![](https://www.kurdipedia.org/images/flags/ku.png)
para abrir el artículo en el idioma original!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Este artículo ha sido visitado veces 342
Escriba su comentario sobre este artículo!