ناو: وەهاب
ناوی باوک: فەتحوڵڵا
نازناو: وەهاب کادیر
ناوی دایک: ڕەحیم حسێن
یەکێک لەکادیرە دیارەکانى شۆڕشى ئەیلول لە دەشت و وراتى #کۆیە# لەنێوان ساڵانى (1962-1975) وەهاب فەتحوڵڵا کاوێس مەلاکە، ساڵى 1938لە خانەوادەیەکى کوردپەروەر و نیشتمانپەروەرى #ئیلنجاغی گەورە# چاوى بەژیان هەڵهێناوە، لە ساڵى (1962) پەیوەندى بەڕێکخستنەکانى پارتی دیموکراتى کوردستان کردووە لە شۆڕشى ئەیلول، لە ساڵى (1963) لەگەڵ چەند هاوڕێیەکى لە (بنکەى پۆلیسى کۆیە) ەوە بەخۆیان و چەکەکانیانەوە دەچنە گوندى (#گۆمەشین# ) ى شارەدێى #دێگەڵە# لە لاى سەرلق (عەلى ڕەشید) دەبنە پێشمەرگە، دواتر دەبێتە کادیرێکى دیارى ناوچەى کۆیەى پارتى دیموکراتى کوردستان ئەو سەردەم (1962-1966) خورشید شێرە لێپرسراوى ناوچەى کۆیە بووە لەگەڵ چەند کادیرێکى وەکوو (مەلا محەمەد بەحرکەیى و مەلا مستەفاى بانى مارانى و سەیدکاکەى گۆمەشینى) ، تا ساڵى (1975) و نسکۆى شۆڕشى ئەیلول وەک کادیرێکى دیارى سنوورى کۆیە و دەشتى کۆیە کاریکردووە، لە ساڵى (1977) ەوە پەیوەندى بە شۆڕشى نوێ-ەوە دەکات لە ڕێگەى شەهید (سەید مورسەل گردعازەبانى) کە شەهید مورسەل لە سووریاوە نامەى سەرکردایەتى شۆڕشى نوێ و #مام جەلال# ی بۆ دەهێنێت کە تێیدا داواى هاوکارى بۆ پێشمەرگەى سەرەتایى و شۆڕش دەکات، لەدواى ڕاپەڕینەوە پلەى پێشمەرگایەتى فەرماندەى کەرتى تیپى پارێزگارى کێڵگەى نەوتى تەقتەق بووە، ساڵى (1996) لەماوەى تەنیا (40) ڕۆژدا (2) کوڕى شەهید دەکرێن و دواى بەرگرییەکى درێژخایەن لەگەڵ نەخۆشیدا لە (1-1-2010) بۆ یەکجارى ماڵئاوایى دەکات و لە گۆڕستانى ئیلنجاغى گەورە بەخاک سپێردراوە.[1]
Este artículo ha sido escrito en (کوردیی ناوەڕاست) Lenguaje, haga clic en el icono de
para abrir el artículo en el idioma original!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Este artículo ha sido visitado veces 1,137
Escriba su comentario sobre este artículo!