سەفەرو مەولانا خالیدی نەقشبەڼی پەی شارو بەغڎای
دمای ئانەی مەولانا خالید تەشریفش ئاماوە پەی شارو سلېمانی، دەسش کەرد بەئیرشادو وەڵاکەردەیۆ ئایینو ئیسلامی، خەڵکی ئیماندارو زاناو پېیا خاسەکۍ دورشەرە گلېرۍ بیێ، جە شارەکاوە، جە وەڵاتە هامسایەکاوە زانێ و مەڵڵێ نامڎارۍ و قابیلی ئامێ خزمەتش، سەرو دەسیشەنە تەریقەتشان وەرگېرت، مەولانا نامبانگش یاوا گرد یاگێ. مەولانا وەرزەکانو وەهار و هامنینە تەشریف بەرۍ پەی هۆرامانی، چاگە خەریکو ئیرشادی بۍ، بەشێ فرۍ چا مەڵڵا و زانا نامڎارا هۆرامانی تەمەسوکشان پۆوە کەرد، تەریقەتشان وەرگېرت، یۊ چا زانا گۆرا (مەڵڵا مصطفی کوڕو مەڵڵا جەلالو خورماڵی) کە وەڵتەر مامۊساو مەولانای بۍ، سەرو دەسیشەرە تەریقەتش وەرگېرتو بی بە موردیش.
ئی نامبانگو مەولانایە بە دڵ(زېڵ)و ناحەزەکاش نەبۍ، پەوکەی دەسشانکەرد ناحەزی کەردەی و تۊمەت بەخشایۆ پەی مەولانای. ئا سەردەمەیچە کېشمەکېشو دەسەڵاتی مېیانو سەردارەکا بابانینە یاوابۍ بارو گڕگېرتەی و تەقایۆ، پەوکەی مەولانا بە زانایی و دانایی و دوورۋینی وېش نیەتش ئارد سلېمانی جېیا بازۊن، پەوکەی تەشریفش بەرد پەی شارو بەغڎای، چاگە لوانە خزمەتو ئارامگاو غەوسی گەیلانی و قەرارش گېرت، دەسش کەرد بە ئیرشادو خوڎا پەرەسی.
ئەسعەد ڕەشید.[1]
Este artículo ha sido escrito en (هەورامی) Lenguaje, haga clic en el icono de
![](https://www.kurdipedia.org/images/flags/ku.png)
para abrir el artículo en el idioma original!
ئی بابەتۍ بە زۋانی (هەورامی) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
![](https://www.kurdipedia.org/images/flags/ku.png)
ی کلیک کەرە!
Este artículo ha sido visitado veces 273
Escriba su comentario sobre este artículo!