بېچارە کوڕو کابرای
وەختو وېش چی مەملەکەتەنە دەرس وانېنې و دەرسما یاۋا بې سەرو هېدرؤلیکی و بڕېۋ مەسەلې چا بارۆ. یۋە چا مەسەلا باس کەرې کە کابرێۋ بېیەن کە بە ساڵیانېۋی فرە هەرمانه و هەماراۋو ئاۋه و شارېۋیش کەردېنە، ئەڵبەت ئا وەختە کەلوپەلې ئوتؤماتې و کەرەسې پیمای و زەنگ خەتەری و ئی جؤرە چېۋې پېسە ئیسەیە نەبیېنې و کابرا ی ڕیش چەرمە هەر بە ئازمون زانا بېیەنش وەزعە چېشەنە و مشیؤ چېش کریؤ، زانا بېیەنش ئاۋەو جۋەو پەشتەو هەمارەکەی بە چ میزان ۋەرە دؤۋە دلې هەمارەکەی کە هەم فشارو ئاۋې یاگېنە بؤ و هەمیچ ئاۋی بلؤ و بېیاۋۊ پؤرە، .
بە داخۆ پېسە ڕؤ مەرگو گرد ڕیش چەرمېۋی ڕؤ مەرگو ئی ڕیش چەرمەیچە میاۋؤ ۋەرۆ و مرؤ و چەنی ئانەیە دارؤغە و گزیرې و ئەمیرې داۋا کەرا تاکو کوڕەکەش بنیشؤ یاگېش و هەرمانەکېش کەرؤ.
بېچارە کوڕە هەرچی هاۋارې کەرؤ کە ئاڎ ئا هەرمانې نمەزانؤ و چەنەبەرش نمێ، چەنەش قەبوڵ مەکەرا و منیاش یاگې تاتەیش.
کوڕە هەرچند وەختو وېش ۋەرودەسی تاتەیش کەردە بېش، بەڵام ئا هەرمانېشە هەر بە هنه و تاتەیش زانێ بې و نەکۆتە بېنە ۋیرو ئانەیە تاکو چا بارۆ چېۋېۋ مسؤ. ۋیرش بې کە تاتەش هەر بە دەنگ و ڕەنگو ئاۋەکېنە زانې وەزعە چېشەنەو بە ئەرە نیای پیچەکېۋې و لابەردەی دۋی ڕېزا میزانو ئاۋەکې گونجنې و هەرمانەکې کەرې، بەڵام ئیسە بېچارە ئېد نە گؤشېش یاۋېنې فریایشۆ و نەچەمېش دادېۋش دېنې و نە پیچەکی هەرمانېۋەش کەرېنې و نە ڕېزې بارېۋش بەرېنې. هەرچی کەرې یا کورت ئارې و ئاۋی بەش نەکەرې و یا سەرکەرې و ئاۋی نیشې ملو شارېورە.
سیامەند هۆرامی.[1]
Este artículo ha sido escrito en (هەورامی) Lenguaje, haga clic en el icono de
para abrir el artículo en el idioma original!
ئی بابەتۍ بە زۋانی (هەورامی) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
ی کلیک کەرە!
Este artículo ha sido visitado veces 124
Escriba su comentario sobre este artículo!