خۆ من تاڵی کەزیەکەت نیم
کەی بتەوێ گرێمبدەیت
خۆمن بوکەڵەکانت نیم
کەی بێزاربوی فڕێمبدەیت
کێ پێی وتوی
دڵ بەتەنها بۆ شکانە؟؟
کێ پێی وتوی
چاو بۆ فرمێسک تکانە؟
نیازم بوو هەرچی باخی ئەم شارەیە
لە ئینجانەیەکا بۆتبێنم
پەلکە زێڕینەی خۆشبەختی
لەکەمەرت بئاڵێنم ...
:
بەڵام ئەوەی لەتۆم بینی
جگەلەخەم نەیبوو ناوێ
لام سەیربوو چێژت بینی
لە شکانی دڵی پیاوێ
:
ئەمڕۆژانە تێ ئەپەرێو
ئەم خەمەش بیرئەچێتەوە
دوای ساڵانێ جێشکانی
دڵیشم چاک ئەبێتەوە ...
بەڵام ئەوەی لەناو گۆمی
پەشیمانی نغرۆ ئەبێ
دڵنیابە دڵە تەنهاو
بێ منەتەکەی تۆ ئەبێ.
ناوی نووسەر: #بەڵێن سەنگاوی# [1]
Este artículo ha sido escrito en (کوردیی ناوەڕاست) Lenguaje, haga clic en el icono de
para abrir el artículo en el idioma original!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Este artículo ha sido visitado veces 92