یەکێتی ناوەندی گۆڕەپان و مەیدانی ئێراق لە شاری موسڵ و لەنێو کۆمەڵگەی سەدیر بۆ دارستان، یەکەم چالاکی وەرزی 2024 ی یەکێتییەکەی بەڕێوەبرد کە ڕاکردنی ماوە درێژە بوو بۆ ئاستی پێشکەوتوان، لاوان و تازەپێگەیشتووانی کوڕان و کچانی یانەکانی ئێراق.
ئەمە و لەو ڕاکردنە بەهێزەدا و دوای ڕکابەریەکی سەخت دواجار کچانی پێشمەرگە توانیان پلەی یەکەم دەستەبەر بکەن و جامی یەکەم پاڵەوانێتی یەکێتی ناوەندی گۆڕەپان و مەیدانی ئێراق بگەڕێننەوە شاری #سلێمانی#.
سەبارەت بەو ئەنجامەیان (نزار ئەکرەم) سەرپەرشتیار و ڕاهێنەری تیمی کچانی یانەی پێشمەرگە تایبەت بە پێشمەرگە سپۆرت وتی، ڕکابەریەکی بەهێز و چاوەڕوان نەکراومان بەدی کردوو خۆشبەختانە بە چوار کیژە یاریزانی پاڵەوانمان کە بە ڕاستی نازناوی پاڵەوانیان پێدەبەخشین توانیمان نازناوەکەی بەدەست بهێنن و جامی یەکەمی بەرز بکەینەوە.
جێگەی وەبیرهێنانەوەیە، کچانی پێشمەرگەی سلێمانی بە سەرکەوتنە بەردەوامەکانیان توانیان قەڵغانی سەرکەوتنەکانی یەکێتی ناوەندی گۆڕەپان و مەیدانی ئێراق بۆ ساڵی 2023 ش بەدەست بهێنن و بیگەڕێنەوە شاری سلێمانی و یانەکەیان، #یانەی وەرزشی پێشمەرگەی سلێمانی#.
[1]
Este artículo ha sido escrito en (کوردیی ناوەڕاست) Lenguaje, haga clic en el icono de
![](https://www.kurdipedia.org/images/flags/ku.png)
para abrir el artículo en el idioma original!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Este artículo ha sido visitado veces 188
Escriba su comentario sobre este artículo!