تیپی تۆپی پێی #یانەی وەرزشی بروسک# یەکێک لە تیپە دێرینەکانی شاری #هەولێر# کە وەرزی ڕابردوو توانی تیپەکە بهێڵنەوە لە خولی پلە یەکەکانی کوردستان، هەر چەندە بڕیار بوو ئەم وەرزە بەبەهێزییەوە بێنەوە ناو خولەکە، بەڵام بەهۆی پشتگیری نەکردنی دارایی و کۆبوونەوەی قەرز لەسەر یانەکە، کارگێڕی یانەی بروسک بڕیاری بەشداری نەکردنیان داوە لە خولی یانە پلە یەکەکانی وەرزی نوێ، لەم بارەشەوە محەمەدحەمەخان سەرۆکی یانەی وەرزشی بروسک بۆ گۆڤاری گوڵان وتی: وەرزش بەم شێوەیە بەڕێوە ناچێت، ئێمە بڕە پارەیەک قەرزارین و بۆ خولەکان پارەمان قەرز کردووە، بۆیە وەکوو ئیدارەی یانەکە پێمان باش بوو چەند ساڵێک داببڕێن، بۆیە گرنگی بە تیپەکانی لاوان بدەین و بتوانین بۆ چەند ساڵی داهاتوو تیپێکی باش و بەهێز درووست بکەینەوە و بتوانین بگەڕێنەوە خولەکە، ئێستاش 2024 بەشێکی زۆری یاریزانانی یانەکەمان لە تیپەکە نەماون چوونەتە تیپی تر، هیوادارین بتوانین کار بۆ ئەوە بکەین لە داهاتوو بەبەهێزی بگەڕێنەوە، ئێستا وەرزش هەمووی پارەیە و دەبێت بە پارە بتوانی بەردەوامی بە تیپەکان بدەی، یانەکەی ئێمەش باری دارایی وەکوو پێویست نییە و ناتوانێ ئەم بارە گرانە لە ئەستۆ بگرێت.
[1]
Este artículo ha sido escrito en (کوردیی ناوەڕاست) Lenguaje, haga clic en el icono de
![](https://www.kurdipedia.org/images/flags/ku.png)
para abrir el artículo en el idioma original!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Este artículo ha sido visitado veces 206
Escriba su comentario sobre este artículo!