دانیشتووانی شارەکانی #سلێمانی# و #هەڵەبجە# و #ڕانیە#ی ناوەندی ئیدارەی ڕاپەڕین لە یەک کاتدا دژ بە هێرشەکانی ئێران بۆ سەر #هەولێر# ڕژانە سەر شەقام و بە یەکدەنگ هێرشەکانی شەوی #15-01-2024# سەر هەولێر و بە ئامانجگرتنی ماڵی شەهید پێشڕەویان ئیدانە و شەرمەزارکرد.
هاووڵاتییان هێرشە مووشەکییەکە بە هێرشێکی مەبەستدار بۆ سەر ئاساییش و ئابووری هەرێمی کوردستان ناودەبەن و دەڵێن، گەلی کورد ڕادەست بە ئیرادەی هیچ هێزێکی داگیرکەر نابێت.
هەروەها پەیامی ئاشتیان دەگوتەوە و داواشیان لە ئێران و وڵاتان کرد، لە بری هێرشی مووشەکی و کوشتنی هاووڵاتییانی کورد باشترە دەستی ئاشتەوایی درێژ بکەن، چونکە کورد نەتەوەیەکە هەرگیز لەناو ناچێت.
هاووڵاتییان داوا لە کۆمەڵگەی نێودەوڵەتی دەکەن لە ئاست هێرش و پێشێلکارییەکانی ئێران بۆ سەر هەولێر بێدەنگ نەبێت و سنوورێک لە بەردەم دەستدرێژییەکان دابنرێت، بۆ ئەوەی چیتر هێرشی لەم جۆرە و شەهیدکردنی هاووڵاتییانی مەدەنی دووبارە نەبێتەوە. [1]
Este artículo ha sido escrito en (کوردیی ناوەڕاست - Central Kurdish) Lenguaje, haga clic en el icono de
![](https://www.kurdipedia.org/images/flags/ku.png)
para abrir el artículo en el idioma original!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Este artículo ha sido visitado veces 237
Escriba su comentario sobre este artículo!