ئەمڕۆ #01-06-2022# لە بارەگای مەکتەبی سیاسیی پارتی لە سەڵاحەددین، #فازڵ میرانی#، سکرتێری مەکتەبی سیاسی، پێشوازیی لە ئولیڤیا دیکۆتینی، کونسوڵی گشتیی فەرەنسا لە هەرێمی کوردستان کرد.
لە دیدارەکەدا کە هۆشیار سیوەیلی، بەرپرسی مەکتەبی پەیوەندییەکانی دەرەوەی #پارتی دیموکراتی کوردستان# ئامادە بوو، فازڵ میرانی وێڕای بەخێرهێنانی میوان، سوپاسی سەرۆک و گەلی فەرەنسای کرد بۆ پشتگیرییە بەردەوامەکانیان لە هەرێمی کوردستان و پەیوەندییەکانی نێوان هەرێمی کوردستان و فەرەنسای بە بەرز نرخاند.
سکرتێری مەکتەبی سیاسی باسی لە بارودۆخی هەرێمی کوردستان و ئێراقیش کرد و ئاماژەی بە پێویستیی یەکدەنگى و یەکڕیزیى لایەنە کوردییەکان بۆ چارەسەرکردنی کێشە و گرفتەکانی نێوان هەرێمی کوردستان و #بەغدا# و ئامادەکارییەکان بۆ هەڵبژاردنەکانی پەڕڵەمانی کوردستان کرد.
دواتر میرانی باسی لە ئاڵنگارییەکانی بەردەم پێکهێنانی حکوومەتی ئێراق و گۆڕانکاری و پێشهاتە سیاسییەکان و چۆنییەتیی بەھێزکردنی پەیوەندیی نێوان لایەنە سیاسییەکان بۆ خزمەتکردنی پڕۆسەی سیاسی لە هەرێمی کوردستان و ئێراقدا کرد.
هەر لە دیدارەکەدا، ئولیفیا دیکۆتینی، کونسوڵی گشتیی فەرەنسا، خۆشحاڵی و سوپاسگوزاریی خۆى دەربڕی بۆ ئەم پێشوازییە گەرمەی کە لێی کراوە و پەیوەندییەکانی نێوان فەرەنسا و هەرێمی کوردستانی بە بەرز نرخاند و هیوای خواست کە کێشە و گرفتەکانی نێوان هەرێمی کوردستان و بەغدا بە گفتوگۆ چارەسەر بکرێت و لایەنە سیاسییە کوردییەکان بە یەکدەنگ لە بەغدا کار بکەن بۆ بەدەستهێنانی مافەکانی گەلی کورد. [1]
Este artículo ha sido escrito en (کوردیی ناوەڕاست) Lenguaje, haga clic en el icono de
para abrir el artículo en el idioma original!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Este artículo ha sido visitado veces 239
Escriba su comentario sobre este artículo!