خوداوەندی ماراسۆن
لە (6) ساڵیدا
لە مەکتەب و
لە مودیر و
لە تەیارەی ئێرانی ڕایکرد.
لە (8) ساڵیدا
بەرەو مزگەوت ڕایکرد.
لە (14) ساڵیدا
لە مزگەوت و
لە ماڵ ڕایکرد.
لە (19) ساڵیدا
لە نیشتمان ڕایکرد.
لە (19) ساڵیشەوە تا ناو قەبر
بە دوای ژن و جگەرە و
کحول و شیعردا ڕایکرد.
شانسی نەبوو ئەو بەدبەختە
ئەگەر لە چاخی گریکی کۆن بژیابا
پەیکەرێکیان بۆ چێدەکرد و
ناویان دەنا: خوداوەندی ماراسۆن.
بەڵام چونکە ئێستا زەمەنێکی دیکەیە
کە مرد
لەسەر کێڵەکەی نووسیان:
شاعیرێکی بەدبەخت
تا مرد، بە دوای ڕاکردندا، ڕایکرد.
ناوی نووسەر: #زانا خەلیل# [1]
Este artículo ha sido escrito en (کوردیی ناوەڕاست) Lenguaje, haga clic en el icono de
![](https://www.kurdipedia.org/images/flags/ku.png)
para abrir el artículo en el idioma original!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Este artículo ha sido visitado veces 119
Escriba su comentario sobre este artículo!