زیندانی
لە نێو ژوورە تاکەکەسییە تەنگەکەمدا
هەڵکورماوم!
کارەساتێک بەڕێوەیە.
لەو دیو دیوار
وەردیانەکەم ڕاوستاوە
دەلاقەیەکی بچکۆڵە
لەسەر سینگی دەرکەکەیە و
داخراوە!
کۆترە باریکەی خەیاڵم
تامەزرۆیە هەڵفڕێت تا،
پەڕپەڕووچکەی ئاسمانی کاکی بە کاکی!
جار بە جارێ
وەردیانەکەم
دەلاقەکە دەکاتەوە و
لێم دەڕوانێ
ئەو تاریکی دەبینێت و من ڕووناکی!
سەرچاوە: #زڕەی زنجیری وشە دیلەکان# [1]
هۆزانەوان: #جەلال مەلەکشا#
سەرچاوەی دەق: ڤەژینبوکس [2]
Este artículo ha sido escrito en (کوردیی ناوەڕاست) Lenguaje, haga clic en el icono de
para abrir el artículo en el idioma original!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Este artículo ha sido visitado veces 52
Escriba su comentario sobre este artículo!