بەگ و بۊر
فرەو جاری چېگەو چاگە بەئاگایی یان بۍ ئاگا بەئەنقەست یان بۍ ئەنقەست، باسو باتورو بەگ یان بوری کرێۆ کە من ئەجۆم بەئەنقەستا، مەعلومو جەنابیتا نە دەسەڵاتە یۊ دما یوەکێ سەرەمڕە هەرمانەشا ئانێ بێنە، تەفرەقە وزا دلۍ خەڵکی دەسەڵاتداری و خەڵکی بۍ دەسەڵاتی ڕاسا، دەسەڵاتەکێ سەفەوی یان عوسمانی یان قاری یان پاشایەتی ومەلیکی هۆرامانەنە سەڕەمڕە هۆرامیەکێ و جافەکېش دێنێ گژێ یوترینی و یان هۆرامیەکێ لهۆنی و هۆرامانو لهۆنی هۆرامان وتەختی دایېمە یاگێ جەنگ، وئاژاوا بێنە، یام تەنانەت دەگاکاو لهۆنیەنە تەفرەقە بېیەن، بەڵام بەروشت و بەشەری ئیسەیچ ئینە بەشێوێوی تەر هەستش پەنە کەرمۍ دلۍ لایەنە جیاجیاکانە ئینەیچە مەبۊ دێمێ پاڵ وگردو ئا لایەنا
سەرشاحساب کەرمۍ، بەڵکوم وەختیوی زەمەنی بېیەن بۊنەو مسڵەحەتیۆ یۊ بەگ بیەبۆ یان بۊر سەرو گردو بەگی و گرد و بۊری مەبۊ حسابش کەرمۍ، بەڵکوم مشیوم پسەو ئایەتەکێ خوڎای ویرێ کەرمۍ ئەر پاسەنەبۊ هەرمانە مەویەرۆ چەنی بەگێ گرد خرابێ یەنێ بۊرێچ گردعالێ نېیەنێ گردوەختێوەنە خاس و خراب هەربېیەن و هەرهەن مشیوم هەرمانە پەی برایەتی کەرمۍ، نەک پەی تەفرەقەی، ئانەیچە بزانمێ هەدوێ لێ کوشتەو دەسو دەسەڵاتە یودمایوەکا بێنێ. لافرق بین عرب والعجم الاباقتوی.[1]
Este artículo ha sido escrito en (هەورامی - Kurdish Hawrami) Lenguaje, haga clic en el icono de
![](https://www.kurdipedia.org/images/flags/ku.png)
para abrir el artículo en el idioma original!
ئی بابەتۍ بە زۋانی (هەورامی - Kurdish Hawrami) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
![](https://www.kurdipedia.org/images/flags/ku.png)
ی کلیک کەرە!
Este artículo ha sido visitado veces 36
Escriba su comentario sobre este artículo!