نامۍ: عەباس
نازنام: کەمەندی
نامۊ تاتەی: عەلی
ساڵۊ پېڎابېیەی: 1952زاینی
ڕۊ مەرڎەی: #22-05-2014# زاینی
یاگۊ پېڎابېیەی: #سنە#
یاگۊ مەرڎەی: #سنە#
$ژیۋاینامە$
عەباسی کەمەندی (1952-2014ز. ) ھونەرمەڼی گۊرانیواچ، نیگارکېش، نویسەر، شاعېر و بەرئاوەرو بوارو شانۊ و درامای، خەڵکو شارو سنەی کە بە مامۊساو (حۆت هونەرا) ئەشناسیان.
عەباسی کەمەندی، تەمەنو شاڼزە ساڵینە سەرقاڵو شېعر واتەی و چیرۆک نویستەی بېیەن و بە گوفتو وېش لاسایۍ هیچ کەس و شېوازێش نەکەردەنۆ، جیا جە گۊرانیواتەی دلۍ بوارەکانو نیگارکېشی، نویستەی، بەرئاوەری، مۊسیقا، شېعرە و داستانە، دەسێ باڵاش بییەن و سەرەتاو تەمەنو زاروڵەییشۆ هۊگرو ئەدەبیاتی فولکلۆری کوردی بییەن، تەمەنو (23) ساڵینە ژیوای ھامبەشی بنیاڎ منیۊ و مەبۊن بە تاتەو کوڕێ و دۋۍ کناچا.
کەمەندی کە بە مامۊساو حۆت هونەرا ئەشناسیان، ساڵەو (1970ز.) جە تەمەنی (18) ساڵینە دلۍ وەرابڕکێ چیروک نویستەینە دلۍ ڕادوینو سنەی پلەی یەکەمش بە دەست ئاوەردەن.
شېوازو شېعرا گۆرانییەکا مامۊسا عەباسی کەمەندی عاشقانەو فرەو شېعرەکاش شېعرۍ شاعېرانو هۆرامینۍ.
عەباسی کەمەندی، زیاتەر جە (150) گۆرانیېش واتېنۍو زیاتەر جە (60) گۊرانیېچش پەی وېش سازنێنۍ.
هونەرمەند، هەمدیس کارو گلېرکەردەیۆ و چەنەکۊڵیای پەی ژیواینامەو کەسایەتییە نامڎارەکانو کوردیش کەردەن و بە بەرهەمئاوەردەی دیکیۆمێنتی فیلمی ژیواینامەو ئا کەسایەتییا پېسە (سنجەرخان، سەید عەتا کەل، ژیانی پاڵەوان حوسێن گولزار کرماشانی، بە تاڵانبردنی ئاسەوارەکانی زێویە، میری نەورۆزی و ... هتر)، سیمێوە تەرەش بە تاریخو چیرۆکنویسی کوردی بەخشان.
(ئەسب، سەوەتەیەک ئاڵف، فڕین لە قەفەسدا، میراتی مامە ڕەحیم، ئەندامی نوێی ئۆپێک، شەڕی ڕۆمادییە، کۆڵانی سوور، کاروانسەرا، پارێزەری یەکەم، قەڵەم و شەیتان و پاڵەوان پەمە)، نامۍ ئا فیلمامانۍ هەکە هونەرمەڼ عەباسی کەمەندی نویستېنۍ.
عەباسی کەمەندی، ساڵەو (1952ز.) دلۍ گەڕەکەو (جەوراوا) شارو سنەی دلۍ دنیێ ئامان. فرەو بنەیانەو ئی هونەرمەڼەیە پېسە پیشەی، قەسابۍ بیېنۍو کەشێ سوڼەتی (باو و برەوی کۊن) سەرشارە زاڵ بییەن. کەمەندی بېجگە ھونەرو مۊسیقای, شارەزایێ فرەش دلۍ بوارو وېنەکېشتەی، شانۊ و سینەما و ئەدەبیاتی کوردی و زیاتەریچ ئەدەبی دەمواچی و فەرهەنگ و گۊرانیۍ هۆرامانی بېیەن و ئەچی بوارەنە دەیەها تۊکاریېش ئەنجام دێنۍ. ماوەو (35) ساڵا دلۍ ڕادوینو شارو سنەی هەرمانەش کەردېنە و دەیەها ڕازۍ و بەیتۍ کوردیېش دلۍ ڕادوینی بە شېوەو نمایېشی دەنگی بەرئاوەردەن. تەمەنو (23) ساڵینە ژیوای ھامبەشش دەسپەنەکەردەن و تاتەو کوڕێ و دۋۍ کناچان.
کەمەندی دمای تەمەنێ جە خزمەتکەردەیش بە هونەری و مۊسیقای و هونەری ڕەسەنی کوردی، ساعبو ڕۊ (#22-05-2024#ز.)، تەمەنو (62) ساڵینە، بەهۊکارو سەکتەی قەلبی(مدرای دڵ)ی، کۊچی دمایینش کەرد و دلۍ گۊڕستانو ئاساوڵە (بەهەشتی موحەمەدی) بە خاکو نیشتمانی ئەسپاریا.
عەباس کەمەندی، هونەرمەڼێ فرە بەرهەمەن، کە بەداخۆ ژمارەێ کەمېشان وەڵێ کریێنێ، جە بوارو گۊرانیۍ و مۊسیقاینە کە فرەو شېعرەکاو ئاهەنگەکاش هینۍ وېش بیېنۍ، خاوەنو توولەڕا و دەنگ و ئاوازی وېشانەو وېشەن و دماو وېش ئی ئەلبوومە گۊرانیېشە چەنە جیێ مەنېنۍ، کە پېسە سەرتۊپەو گۊرانییە ڕەسەنا کوردی ئەژمار مەکریان.
کەمەندی دلۍ دەرەتانو نویستەی ئەدەبیاتی میللی و شېعرۍ و ڕازېنە، گلېرکەردەی فۆلکلۆری، فەرهەنگ و تاریخو کوردینە زیاتەر جە شش هەزار لاپەڕۍ چەنەکۊڵیایش کەردەن و دلۍ کتېبیانه و فەرهەنگی جه تاران پارېزیێنۍ.
بەرهەمەکۍ هونەرمەڼ عەباسی کەمەندی:
* کۆمەڵە شیعرۍ هەوارگەی هاوار (کوردی و فارسی). *نویستەی چوار ڕۆمانا.
*نویستەی سیناریۆ (30) فیلمە درېژ و کوڵا.
*نویستەی (2) دیوانە شېعرا به فارسی و کوردی.
*کېشتەی نزیکه و (100) نیگارە هونەریا.
*خاوەنو (60) گۊرانییا و چڼیین فیلم و درامایا به شېوه و زنجیرەی پەی تەلەفزیۆنو سنەیش بەرهەمئاردېنۍ، کە بڕێشان ئینېنۍ: سنجەرخان، پاڵەوان حوسێن گوڵزار کرماشانی، میری نەورۆزی، کاروانسەرا، مام ڕەحیم و فڕین لە قەفەس و ئەسپ و چڼیین بەرهەمۍ تەری، جە بوارو کاری تەلەفزیۊنینە چن هەرمانێ پېسە: پاڵەوان پەمە و کۆنە و چن کارێ تەرۍ.
ئی هونەرمەڼە بەهرەدارە سوودێ فرەش جە هونەر و ئەدەبی هۆرامی گېرتەن، بە ئەدەبۆ دەسش بەردەن پەی دیوانە شېعرەکاشا، دلۍ ئاوازەکاشەنە نەخشینتەرېش کەردېنۍ، پېسە وېش ماچۊ:
وەڵڵا، گەر هەر کوردێ، هەر فارسێ، ئەدەبی هۆرامی نەشناسۊن، نمەتاوۊن بەرهەمێ وېشانەو وېش بەرهەم بارۊن، من چاگە ئەزموونۍ جیاوازېم دیۍ، یانی ئانەی کە دلۍ هۆرامانینە دەسو من کۆت، چېوێ دڵنشین بۍ، چېوێ بۍ کە ئایېرش وەردانە دەروونم،
تاریخو(#22-05-2014#ز.) جە شارو سنەی، بە نەوەشی زېڵۍ(دڵ)، کۊچی دمایینش کەردەن.[1]