لەسەر حەفت ڕەزان ترێ سپیلکەی دەدزی
لە چیرۆکە ڕۆژهەڵاتییەکاندا ئاژەڵی ڕێوی وا باس کراوە کە لە ڕەزەکاندا ترێی خواردووە، کوردیش یەکێکە لە گەلانی ڕۆژهەڵاتی ناوەڕاست کە پەند و ئیدیۆمێکی لەسەر ئەو حاڵەتە هەیە کە دەڵێت: ڕێوی دەمی نەدەگەیشتە پەرسیلە دەیوت ترشە، بەو دواییانەش لە دۆڵی کفرەدۆڵی #ئیلنجاغی گەورە# ڕێزە بنە دارمێوەکم ڕوواندبوو، لە مانگی تەمموز و ئاب دا هەستم دەکرد ئەو بنەمێوانەی لە زەوییەوە نزیکبوون هێشووەکانی دەنگ دەنگ وەکوو ئەوەی مرۆڤ لێی کردبێتەوە دەخوران، بۆم دەرکەوت (چەقەڵ) یاخود (جورج) ئەو هێشووەترێیانە دەخوات، کەواتە هەردوو ئاژەڵی ڕێوی و چەقەڵ ترێی دەخۆن، لەو ئیدیۆمەدا ناوی ڕێوی نەهێنراوە بەڵام مەبەستی سەرەکی لە (ڕێوی)یە، کە حەوت ڕەزە ترێیان دەکات بۆ خواردنی ترێی سپیلکە، ئەوە کراوە بە ئیدیۆم و لە سنووری #هەولێر#ێ بەکەسێکی ساختەچی و کلاوچی و دز و فێڵباز و تەڵەکەباز دەوترێت: لەسەر حەفت ڕەزان ترێ سپیلکەی دەدزی. [1]
Este artículo ha sido escrito en (کوردیی ناوەڕاست) Lenguaje, haga clic en el icono de
![](https://www.kurdipedia.org/images/flags/ku.png)
para abrir el artículo en el idioma original!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Este artículo ha sido visitado veces 94
Escriba su comentario sobre este artículo!