Komelgeha Til Ezîz
Komelgeha Til Ezêz dikeve bakurê rojavayê bajarê #Şingal# ê. Temamê akincî û rûniştvanên wê komelgehê Êzidî ne.
Herwaha gelek cîhên pîroz ên ola Êzidiyan dikevin komelgeha Til Ezêz û salane hejmarekî zêde ya ziyaretkar û serdanker qesda wan cîhên pîroz dikin. Bi taybet jî ew serdan di mehên Nîsan û Gulanê de pêktên. Ji berk u ew meh mehên tewafa Êzidiyan in. Xelk ji hemû gundên Êzidiyan qesda tewafa pîroz dikin û her kesek ji mirûv, xizm û heval û nêzîkên xiwe duayan dikin. Rûniştvan û akinciyên komelgeha Til Ezêz di sala 2010ê de û berî hatina rêxistina terorîst a DAIŞê hejmara wan nêzîkî 20 hezar kesan bûn, lê li gel hatina DAIŞê, bi dest wê rêxistina terorîst bi sedan kes hatin kuştin û hatin bêserûşûn kirin, enfal kirin. Herwaha gelek malbat koçberî bajarên wek Duhok, Hewlêr, Silêmanî û welatên Ewrupayê bûn. 818 kes ji komelgeha Til Ezêz bi destê rêxistina terorîst a DAIŞê bûn qurbanî, ku ji wan jî 405 kes zelam û 413 kes jî jin bûn. Herwaha 113 zelam û 22 jin jî hatin enfal kirin. Derveyî wan jî 150 zelam û 148 jin jî bêserûşûn bûne, ku ji wê hejmarê bi giştî 142 zelam û 233 jin ji dest wê rêxistina terorîst hatine rizgarkirin. Gelek ji wan kesên rizgarbûyî naha li Ewrupayê niştecîh û akincî bûne. Li komelgeha Til Ezêz naha gelek xizmetguzariyên serekî kêm in an jî her nîn in, xizmetên wek av, elektrîk, rêyên hatûçûnê de kêmasî gelek hene. Di destpêka salên 2019ê û 2020ê gelek malbat vegeriyan ser mal û cîhên xwe û hêdî hêdî xizmetguzarî baştir dibin û jiyana wan birêve diçe. [1]
Este artículo ha sido escrito en (Kurmancî) Lenguaje, haga clic en el icono de
para abrir el artículo en el idioma original!
Ev babet bi zimana (Kurmancî) hatiye nvîsandin, klîk li aykona
bike ji bu vekirina vî babetî bi vî zimana ku pî hatiye nvîsandin!
Este artículo ha sido visitado veces 14
Escriba su comentario sobre este artículo!