بوداق سوڵتان کوڕی شێرخان کوڕی شێخ حەیدەر، یەکێکە لەفەرمانڕەوا ناودارەکانی #موکریان#، بوداق سوڵتان شاری سابڵاخ (#مەهاباد#) ی درووستکردوو کردییە پایتەختی خۆی، هەر لەو شارەدا پردی سابڵاخ و مزگەوتی گەورە و چەند پڕۆژەیەکی گەورەی ئاوی درووستکردووە، بوداق سوڵتان ڕێزی زانا و ڕۆشنبیرانی گرتووە، لە مزگەوتی گەورەدا بە فەرمانی ئەو پەرتووکخانەیەکی گەورە دامەزراوە، بۆ دابینکردنی تێچوونی ئەو مزگەوتە و مامۆستا ئایینیەکان وەقفی چەند گوندێکی ڕووبەڕوو کردوونەتەوە. بوداق سوڵتان بەخواپەرستی و دادپەروەری ناوبانگی دەرکردووە، خزمەتێکی زۆری هەژاران و لێ قەوماوانی کردووە، لەپێناو ئاوەدانکردنەوەی ناوچەکەدا پەیوەندییەکی باشی لەگەڵ پاشای سەفەوییەکاندا درووستکردووە، ناوی (بوداق) لە ناوچەی موکریان هێندە ناوێکی خۆشەویستە، زوربەی میرەکانی پاش ئەم ناوی (بوداق) یان لەخۆیان ناوە.
وێنە: گۆڕی بوداق سوڵتان لە مەهاباد [1]
Questo articolo è stato scritto in (کوردیی ناوەڕاست) lingua, fare clic sull'icona
![](https://www.kurdipedia.org/images/flags/ku.png)
per aprire l'articolo in lingua originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Questo oggetto è stato visto volte 6,515