حزبی بەعسی عەرەبی سوسیالیستی لە 7ی ئاپریلی ساڵی 1947 لە لایەن میشیل عەفلەقەوە دامەزراوە و دوو باڵی سەرەکی عێراق و سوریای هەبوو و لە عێراقدا بەعس لە کودەتایەکدا لە 8 شوباتی 1963 جڵەوی فەرمانرِەوایەتی گرتەدەست.
دەستەی دووەمی بەعسیەکان لە کودەتایەکی دیکەدا لە 1968 جڵەوی فەرمانرِەواییان گرتەوە دەست و ئەحمەد حەسەن بەکر وەک سەرۆک کۆمار دەستنیشانکرا و سەدام حوسێن وەک جێگری سەرۆک کۆمار دانرا و دروشمەکانی بەعس دروشمی شۆڤینیین و لە ماوەی حوکمرِانیدا بەردەوام لە هەوڵی سرِینەوە و پاکتاوکردنی ناسنامە و نەژادی نەتەوەکانی دیکەی داوە.
لە 1979 سەدام حوسێن بە تەواوی دەسەڵاتی گرتە دەست و ئەحمەد حەسەن بەکر خانەنشینکرا و لەو ساڵەوە سەدام حوسێن بە ئاگر و ئاسن و دەسەڵاتێکی دیکتاتۆریانەی لە عێراق چەسپاند و لە ماوەی سێ دەیەی دەستەڵاتیدا وێرِای شەرِیی هەشت ساڵە لەگەڵ ئێران و داگیرکردنی کوەیت و بەرهەمهێنانی چەکی کۆکوژ چەندین تاوانی وەک کیمیاییباران و ئەنفال و تاوانی پاکتاوی ڕەگەزی دژ بە کورد و گەلانی عێراق بەکار هێناوە.
ئەو ڕژێمە لە نیسانی 2003 لە ئاکامی هێرشێکی بەرفراوانی سوپای ئەمەریکا و هاوپەیمانەکانیی بۆ سەر عێراق ڕووخێندرا و گەورە پەیکەری سەدام لە 9ی نیسانی ئەو ساڵەدا تێکشکێنرا و کۆتایی بە حوکمی سێ دەیەی دیکتاتۆریی لە عێراق هێندرا و سەردەمێکی نوێ لە مێژووی سیاسی عێراق دەستیپێکرد.
دوای ڕووخاندنی ڕژێمی بەعس لە 2003 بە برِیاری دەسەڵاتی کاتی هاوپەیمانان هەموو جۆرە کارو بونێکی ئاشکراە نهێنی حزبی بەعس لە عێراق قەدەغەکرا.
Questo articolo è stato scritto in (کوردیی ناوەڕاست) lingua, fare clic sull'icona
![](https://www.kurdipedia.org/images/flags/ku.png)
per aprire l'articolo in lingua originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Questo oggetto è stato visto volte 8,939
Scrivi il tuo commento su questo articolo!