ناو: نادر
نازناو: نالە هەورامی
ناوی باوک: عەلی موراد
شوێنی لەدایکبوون: شاری #هەڵەبجە#
ڕۆژی کۆچی دوایی: #26-06-2013#
شوێنی کۆچی دوایی: وڵاتی نەمسا
$ژیاننامە$
نادر عەلی موراد لە دایکبووی هەڵەبجەیە، ساڵی 1962 ڕیزەکانی سوپای ئێراقی بەجێ هێشتووە و لە دۆڵی خەلانی سەر بە پارێزگای #هەولێر# پەیوەندی بە ڕیزەکانی هێزی پێشمەرگەوە کردووە، ساڵی 1975 لە دوای نسکۆی شۆڕشی ئەیلوول ئاوارەی شانشینی ئێران بووە، لە ڕێکەوتی 26ی حوزەیرانی 2013 لە کۆماری نەمسا کۆچی دوایی کردووە و لە ڕێکەوتی 28ی حوزەیرانی 2013 لە گۆڕستانی شێخ ئەحمەدی شاری هەولێر بە خاک سپێردراوە، شارەزای زمانەکانی کوردی، عەرەبی و فارسی بووە.
$خەباتنامە$
نادر عەلی موراد ساڵی 1963 لە بەرەی #مێرگەسۆر# لە پارێزگای هەولێر بەرکەوتەی چەکی فسفۆری هێزی ئاسمانی ئێراق بووە، ساڵی 1963 لە چیای شیرین لە دەڤەری بارزانی سەر بە سنووری پارێزگای هەولێر چاوی بە سەرۆک #مستەفا بارزانی# (1903 1979) کەوتووە، ساڵی 1963 بەشداری شەڕی حەسەن بەگی لە سنووری پارێزگای هەولێر کردووە و تیایدا بریندار بووە، ساڵی 1965 کراوەتە سەرلق لە هێزی خەبات، ساڵی 1969 کراوەتە فەرماندەی بەتالیۆنی حەوتی هێزی خەبات، لە مانگی ئابی ساڵی 1976 پەیوەندی بە ڕیزەکانی هێزی پێشمەرگەی شۆڕشی گوڵانەوە کردووە لە دەڤەری هەورامان، ساڵی 1978 کراوەتە بەرپرسی لێژنەی لقی سێ و چوار، ساڵی 1979 لە کۆنگرەی نۆیەم لەلایەن نوێنەرانی کۆنگرەوە بە ئەندامی یەدەگی کۆمیتەی ناوەندی #پارتی دیموکراتی کوردستان# هەڵبژێردراوە، ساڵی 1979 کراوەتە جێگری بەرپرسی لێژنەی لقی چوار، ساڵی 1981بەرپرسی لێژنەی لقی سێ و چوار بووە، ساڵی 1982 بەشداری ئازادکردنی جادەی هەڵەبجە #سەید سادق#ی کردووە، لە ساڵی 1985 لە بارەگای مەکتەبی سیاسی کاری کردووە، ساڵی 1988 بە نوێنەرایەتی پارتی دیموکراتی کوردستان بەشداری لە پلاندانان بۆ ڕزگارکردنی شارەزوور لە دەستی سوپای ئێراقی کردووە، ساڵی 1988 لە ستافی بیست و دووەمی لێژنەی لق بۆ جاری یەکەم بە بەرپرسی لێژنەی لقی دوو دەستنیشان کراوە، ساڵی 1989 بە بەرپرسی لێژنەی لقی چوار دەستنیشان کراوە، ساڵی 1991 بە یاوەری #نێچیرڤان بارزانی# بەشداری ڕاپەڕینی باشووری کوردستانی کردووە، ساڵی 1993 نوێنەری کۆنگرەی یازدەیەمی پارتی دیموکراتی کوردستان یەکگرتوو لە شاری هەولێر بووە، ساڵی 1993 لەبەر خەبات و بەرخۆدانی لە شۆڕشی ئەیلوول، گوڵان و قۆناغی ڕاپەڕینی باشووری کوردستان لەلایەن سەرۆک #مەسعود بارزانی# یەوە مێدالیای بارزانیی نەمری پێ بەخشراوە، ساڵی 1999 نوێنەری کۆنگرەی دوازدەیەمی پارتی دیموکراتی کوردستان لە شاری هەولێر بووە، ساڵی 2010 نوێنەری کۆنگرەی سێزدەیەمی پارتی دیموکراتی کوردستان بووه، لە ساڵی 2013 کۆچی دوایی کردووە. [1]
Questo articolo è stato scritto in (کوردیی ناوەڕاست) lingua, fare clic sull'icona
![](https://www.kurdipedia.org/images/flags/ku.png)
per aprire l'articolo in lingua originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Questo oggetto è stato visto volte 7,395
Scrivi il tuo commento su questo articolo!