لە شاری سلێمانی لە ساڵی 2004 دا لەلایەن شارەزایانی بواری ئەرشیف و بەڵگەنامەیی دامەزرێنراوە، و جگە لە کۆکردنەوە سەدان دەستنووس و بەڵگەنامە و وێنەی لەبارەی مێژووی میللەتی کورد و ناوچەکە، هاوکات زیاتر لە 170 ڕۆژنامە و گۆڤاریی لە لە ناوچوون پاراستووە و زیاتر لە 100 پەرتووکی ناوازەی نووسەران و زانایانی کوردی بە چاپگەیاندوە. مامۆستا ڕەفیق ساڵح بەڕێوەبەری بنکەکەیە، کە وتویەتی کارمان لە بنکەکەدا دابینکردنی سەرچاوەی مێژوویی دەستنووسییە بۆ توێژەران و نووسەران و مێژوونووسان.
ئامانجەکانی بنکەی ژین بریتییە لە کۆکردنەوە، پاراستن و لە چاپدانەوەی گۆڤار، ڕۆژنامە و بڵاوکراوەی کۆنی کوردی یان هیی زمانی تری تایبەت بە کورد.
تەلاری بنکەی ژین کۆمەڵگەیەکی ڕۆشنبیری هەمە لایەنە و بڕی 3 ملیار و 800 ملیۆن دیناری ئێراقی تێچوە، و پێکهاتووە لە پێنج نهۆم کە چەندین هۆڵی تایبەت بە بوارە جیاجیاکانی وەک پەرتووکخانە، چاپخانە، کافتریا و هۆڵی کۆبوونەوەی 300 کەسی، هەروەها شانۆ و سینەمای تێدایە، هۆڵی فێرکردنی زمان، کۆمپیوتەر و شوێنی کردنەوەی پێشانگا و چالاکییە هونەرییە جیاجیاکانی تێدایە، هەروەک شوێنی نووستن و حەوانەوەشی لەخۆگرتووە.
Questo articolo è stato scritto in (کوردیی ناوەڕاست) lingua, fare clic sull'icona
![](https://www.kurdipedia.org/images/flags/ku.png)
per aprire l'articolo in lingua originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Questo oggetto è stato visto volte 24,688