- عەبدوڵڵای حاجی مەحمود ئەندامی مەکتەبی سیاسیی حزبی سۆسیالست ڕایگەیاند ئەو هاووڵاتیەی کە هەر دەنگ نادات و بیر لە چارەنووسی کورد ناکاتەوە، هەق نییە لە کوردستاندا بژی.
- عارف تەیفور ڕایگەیاند هەندێک خوێندەواری تازە پێگەشتوو کە بە بیری سەرلێشێواویەوە هاتوونەتە مەیدانەوە هانی خەڵک دەدەن نەچن بۆ دەنگدان.
- دۆزینەوەی تەرمی پێشمەرگەیەکی یەکێتی لە شارۆچکەی قەرەقۆش، نێوبراو پێش چەند ڕۆژێک لەلایەن تیرۆریستە عەرەبەکانەوە فڕێندرابوو.
- تیرۆریستە عەرەبەکان 3 پێشمەرگەی پارتییان لە موسڵ تیرۆرکرد، ئەمانە ناوەکانیانە: حەسەن عومەر حوسێن، ڕەزوان جەمیل سدیق و سەگڤان یاسین.
- تیرۆریستە عەرەبەکان 4 لاوی کوردیان لە کەرکووک ڕفاند.
- لە شاری سنە فیستیڤاڵی ڕێزلێنان لە هونەرمەندانی کوردستان بەڕێوەچوو، ئەو فستیڤاڵە لەلایەن دەزگای ڕادیۆ و تەلەفزیۆنی ئێرانی و پارێزگاری سنە بەڕێوە چوو و تیایدا 42 هونەرمەند و کەسایەتی کورد خەڵات کران، دکتۆر قوتبەدین سادقی، محەمەد جەلیل عەندەلیبی، فوئاد بابان، بەهمەن قوبادی، عەباس کەمەندی لەو هونەرمەندانەبوون کە خەڵاتیان وەرگرت.
- وەزارەتی پەروەردەی داگیرکەری تورک جەژنی نەورۆزی کردە ڕۆژێکی نیشتمانیی تورکیا. بەو پێیە خەڵکی دەتوانن بەئازادی لەو جەژنەدا ئاهەنگ بگێڕن.
- کۆچی دوایی هونەرمەندی گۆرانیبێژی بەڕەگەز ئەرمەنی کاراپێتی خاچۆ لە ناوچەی ئیچمەزدینی ئەرمەنستان لە تەمەنی 103 ساڵیدا. نێوبراو نزیکەی 55 ساڵ لە ڕادیۆی کوردیی یەریڤان کاری کردووە و خزمەتێکی زۆری گۆرانی و لاوکی کوردیی کردووە.
Questo articolo è stato scritto in (کوردیی ناوەڕاست) lingua, fare clic sull'icona
per aprire l'articolo in lingua originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Questo oggetto è stato visto volte 9,717
Scrivi il tuo commento su questo articolo!