ناسراو بە حەمە کەریم زیویەیی خەڵکی ئاوایی #زیوە# یە کە لەسەر جادەی نێوان کامێران #مەریوان# لە ناوچەی پێڵەوار هەڵکەتووە. #پێشمەرگە#ی هێزی بێستوون لە حیزبی دیمۆکراتی کوردستانی ئێران بوو. یەکێک لە ئازاترین و چاونەترسترین پێشمەرگەکانی ئەو ناوچەیە بوو. چەندین جار بریندار بوو، بەڵام جار لە دوای جار ئازاییانەتر بە گژ داگیرکەرانی وڵاتەکەیدا دەچووەوە. چاوێکی لە دەست دابوو و چاوێکی شووشەیان بۆ دروست کردبوو، بۆیە زۆربەی کات چاویلکەی لە چاو دەکرد. ڕۆژێک لە بناری شاهۆ لە دەشتی بێڵەوار و نە زۆر دوور لە ئاواییەکەی خۆیان دوای ئەوەی بە برینداری لەگەڵ چەند هاوڕێی دیکەیدا دەکەونە گەمارۆ و دێنە سەریان و مەجالی دەرچوونی نابێ. دوای شەڕێک کۆتایی بە ژیانی خۆی دێنێ، و گیانی پاکی بۆ گەل و نیشتمانەکەی دەکا بە قوربانی.
پێش هاتنی بۆ پێشمەرگایەتی وەک زۆربەی لاوی ئەو ناوچەیە خەریکی کاری ئاسایی ماڵ و کش و کاڵ دەبێ هەر بۆیە نەخوێندەواری نەبوو، بەڵام لە ماوەی پێشمەرگایەتیدا بە حەولی خۆی و چەند پێشمەرگەیەکی دڵسۆز زۆر باش فێری کوردی نووسین و خوێندنەوە بوو. ئیتر پێویستی بە کەس نەبوو نامە و پشتی وێنەکانی بۆ بنووسێ، ئەو وێنانەی بە یادگار و بیرەوەری لای من ماونەتەوە خۆی پشتەکەیانی نووسیوە. کە بریندار بوو من لەوێ نەمابوومەوە، بەڵام دەگێڕنەوە کە لەو کاتەشدا بە قسەی خۆش و گێڕانەوەی نوکتە، بزەی دەخستە سەر لێوی پێشمەرگەکان.
Questo articolo è stato scritto in (کوردیی ناوەڕاست) lingua, fare clic sull'icona
per aprire l'articolo in lingua originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Questo oggetto è stato visto volte 6,457
Scrivi il tuo commento su questo articolo!