وتەبێژی دەستەی گەشتوگوزاری هەرێمی کوردستان ڕایدەگەیەنێت، لە ڕۆژانی جەژنی نەورۆزدا نزیکەی 200 هەزار کەس ڕوویان لە ناوچە گەشتیاریەکانی هەرێمی کوردستان کردووە، بۆ بەسەربردنی کاتەکانیان، هاوکات هیچ گرفتێک لە میوانخانە و چێشتخانەکان نەبوە بۆ پێشوازیکردن لەو گەشیارانە.
نادر ڕۆستی، وتەبێژی دەستەی گەشتوگوزاری هەرێمی کوردستان بە (خەندان)ی ڕاگەیاند: لە ماوەی ڕۆژانی جەژنی نەورۆزدا ژمارەیەکی زۆر لە گەشتیاری ناوچەکانی دیکەی عیراق و وڵاتانی دراوسێ ڕوویان لە ناوچەکانی گەشتیارییەکانی هەرێمی کوردستان کردوە.
وتیشی: "ئەگەرچی ئامارێکی دروست دەرنەکەوتووە، بەڵام زانیارییە سەرەتاییەکان دەریدەخەن کە نزیکەی 200 هەزار کەس هاتوونەتە هەرێمی کوردستانەوە".
ئەوەشی خستەروو: لە ڕۆژانی جەژندا میوانخانە و چێشتخانەکان پێشوازییەکی باشیان لە گەشتیاران کردوە، لەو ڕووەوە هیچ گرفتێکیان نەبووە.
Questo articolo è stato scritto in (کوردیی ناوەڕاست) lingua, fare clic sull'icona
per aprire l'articolo in lingua originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Questo oggetto è stato visto volte 1,291
Scrivi il tuo commento su questo articolo!