خەندان- رەڤەند گوهەرزی
دکونگرەکێ روژنامەڤانی دارێڤەبەریا گشتی یا گەشتوگوزارێ ل پارێزگەها دهوکێ ئامارا هاتنا گەشتیاران بو جهێن گەشتیاری ل سنورێ پارێزگەها دهوکێ راگەهاندن کو لسەر دوو ئامارێن ژێک جودا هاتینە تومارکرن ، دچوار هەلکەڤتێن سالا 2013ێ دا 314هزارو 574گەشتیارا سەرەدانا جهێن گەشتیاری کریە و بەرامبەر سالا 2012ێ 41% زێدەبویە ، ئەو گەشتیارێن ل ئوتێل و موتێلان نڤستین 444هزارو 414 گەشتیاربوون ئەڤ رێژەیەژی زێدەبویە و گەهشتیە 45%.
عوبەیدولا دادو رێڤەبەرێ گشتی یێ گەشتوگوزارێ ل پارێزگەها دهوکێ گوت: چ کێشە بو چ گەشتیاران دروست نەبوینە ئەڤ یەکە ژی ژبو بەلاڤکرنا نەخشێ شینوار و گەشت و گوزاریێ ل پارێزگەها دهوکێ دگەل رێبەرێ زانیاریێن گەشتوگوزاری بسەر گەشتیاران دا دزڤریت.
رێڤەبەرێ گشتی یێ گەشتوگوزارێ ل پارێزگەها دهوکێ دیارکر: 53 جهێن گەشتیاری هاتینە سزادان ژبەر خەمساریا وان دکاری دا، لێ دبەرامبەر دا رێزگرتن بو 10 جهان ژی هەبوویە، ل سنورێ پارێزگەها دهوکێ 115ئوتێل و موتێل و 43خارنگەهـ هەنە.
عوبەیدولا دادو گوت ژی: دسالا 2013ێ دا کوژمێ 10ملیار دینار ل سەر بودجا گەشەپێدانا هەرێما بو 19 پروژێن گەشتیاری یێن رێڤەبەریا گەشتوگوزارا دهوک هاتبونە تەرخانکرن . ئەوژی ئاڤاکرنا گوندێن گەشتیاری و دروستکرنا پارکاو نویژەنکرنا جهێن ئاینی و خزمەتێن گشتی.
رێڤەبەرێ گشتی یێ گەشتوگوزارێ ل پارێزگەها دهوکێئاماژە دا وێ یەکێ ژی: "7 ملیار دینار ژی هاتبونەتەرخانکرن بو قەرزێن گەشتیاری و مامەلێن 36 وەلاتیان هاتبونە برێڤەبرن و 17خولێن مەشق و راهێنانێ هاتبونە سازکرن بو کارمەندێن گەشتیاری".
- 13-01-2014
Questo articolo è stato scritto in (کرمانجی - Upper Kurdish (Arami)) lingua, fare clic sull'icona
![](https://www.kurdipedia.org/images/flags/ku.png)
per aprire l'articolo in lingua originale!
ئەڤ بابەت ب زمانا (کرمانجی - Upper Kurdish (Arami)) هاتیە نڤیساندن، کلیک ل ئایکۆنا
![](https://www.kurdipedia.org/images/flags/ku.png)
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
Questo oggetto è stato visto volte 12,855
Scrivi il tuo commento su questo articolo!